Wednesday, August 15, 2007,3:17 AM
أشكي لمين
أشكي لمين .. احكي لمين
دنيا بتلعب بينا
تهنا سنين .. ولا عارفين
بكره جايب ايه لينا
بينا للفرح بينا
قبل الجراح ماتدق بابنا
جينا للدنيا جينا
بكره الزمان يسرق شبابنا

غنوة حبيتها اوي اوي من منير في فيلم احلي الاوقات بس غير (بكره الزمان يسرق شبابنا ) ل (اللي يصيبنا اهو من نصيبنا ) اكتر من لما غناها منيب وبعدين من أنغام في البومها الاخير بس المرة دي بقي بصوت ... محمد الحلو.. الفيديو نفسه قديم جدا وغريب، من غير كلام كتير تعالوا نشوفة



 
posted by saso | Permalink |


40 Comments:


  • At 15/8/07 21:23, Blogger sherefins

    فعلا منير يستحق لقب الكينج عن جداره
    واستحقاق من غير اي جدال ده اولا

    ثانيا واضح هنا انا البوست ده عكس
    البوست بتاع(شيراب). ده ثانيا

    اما ثالثا بقي اتمني تكوني كده علي طول والدنيا تبقي حلوه من غير اي زعل وتمني تفكري بهدوء في الموضوع اللي كنت حكيتلك عنه وانت في الحاله الحلوة دي من غير قلق


    *** الملحوظه بتاع المره دي ان دي تاني مره اكون اول كومنت عندك زي م اكنت عاوزه في الكومنت بتاعك في الشير اب



    تحياتي ليكي وبالتوفيق دائما

     
  • At 17/8/07 16:06, Blogger No Fear

    السلام عليكم
    بصرف النظر عن إني زعلان منك
    أنا نفسي أعيش في العالم بتاعك قوي
    أو علي الأقل نفسي أعرفه

     
  • At 17/8/07 19:37, Blogger saso

    sheref
    كومينتاتك الاولي كترت
    الغنوة احلي عندك من منير .. مش عارفه انا حبيتها كل مرة من ايام منيب للحلو لمنير لانغام

    امممم
    ماله البوست في شير اب .. مش تغيير هيفضل كله تفاؤل تفاؤل كده
    :P

    اما ثالثا فالحمد لله انا متفائلة دايما.. بازهق حبه وارجع اروق
    لا تقلق

    ميرسي علي اول كومينت هنا كمان
    عدي منك اول كومينت في نيفرلاند
    :D
    مممممم
    انا مفكرة وبكامل قواي العقلية صدقني

     
  • At 17/8/07 19:38, Blogger saso

    no fear
    ليه بس كده
    زعلان من ايه

    اكتب؟ باكتب اهو وآخر نشاط
    ايه مزعلك تاني

     
  • At 18/8/07 01:07, Blogger sabrina

    فينننننننننننك!!!!!!!
    عايزه حاجات كتيره ومش لأقيك!!!!!!!!

     
  • At 18/8/07 01:26, Blogger saso

    sabrina
    لا لا لا
    انتي تقولي بس يا جميلة
    وندور سوا
    :)

     
  • At 18/8/07 12:07, Blogger No Fear

    السلام عليكم
    زعلان من أخر مرة بتاعت يونيو دي
    بس أنت متألقة و تألقك ده بيغفرلك الحقيقة بس تعمليها تاني و تختفي كده من غير كلام بزعل كبير

     
  • At 18/8/07 12:23, Blogger saso

    no fear
    مش هختفي حاضر يا رافع معنوياتي
    :)
    المهم من غير زعل

     
  • At 18/8/07 14:14, Blogger sherefins

    ههههههههههههه ايه يا ساسو لو انت زعلانه من اني بكون اول كومنت ممكن اخر نفسي شويه لحد ما حد يكتب كومنت واكتب بعده بس واضح انك مش مصدقه اني اول حاجه بعملها لما ادخل النت ادخل البلوج بتاعك وبعد كده اشوف اللي انا داخل عشانه بمعني انك انت لازم تكوني البدايه وبعد كده اي حاجه تانيه دي واحده التانيه القرار اللي اتاخد لازم يكون بعد مناقشه مش علي طول تسمعي الراي والراي الاخر هي دي الديمقراطيه مش كده ولا ايه انا مستني رد الديمقراطي بالنقاش ونشوف الراي الصواب وده طبعا لمصلحه جميع الاطراف والناس اللي معايا برضه عاوزين يشتركوا في الموضوع ده ويطرحوا وجه نظرهم في اتلموضوع لو ممكن عاوزين نسمع رايك عندنا في المنتدي بتاعنا اللي كنتي بتيجي فيه باستمرار وانقطعتي مره واحده نتمني نشوف عدنا قرب

    c u soooon

     
  • At 19/8/07 19:10, Blogger محمود فهمى

    متهيألى هى توهنا سنين
    مش دقنا سنين

     
  • At 19/8/07 22:46, Blogger No Fear

    السلام عليكم
    واحدة زيك معنويتها بتقل حرام عليكي نفسك
    :)
    يعني لو مش خايف علي زعلك كنت قلتلك معندكيش دم
    سيبي المعنويات القليلة دي لأمثالنا
    أنت يا بنتي مش حاسة بنفسك
    و الله العظيم مش بهرج
    علي فكرة أنا كنت اونلاين و أنت عمالة تعلقي و تمسحي في المدونة بتاعتي و كأن مالهاش صاحب
    شكرا علي مساعدتك و إن شاء الله لما أكون مركز و فايق كده هأبقي أنزل أغاني
    و هتشوفي بقة التألق
    كل سنة و أنت طيبة و في خير و سعادة دايما

     
  • At 19/8/07 22:55, Blogger saso

    sherefin
    لا ازعل ايه بس
    بهرج عادي

    مممممم
    ماشي يافندم.. اول صفحة قبل حتي ماتقرا الاخبار
    ده شرف كبير

    ممممممم
    هنيجي بقي للجد
    المنتدي دي محسساني اني في خليه سرية
    بس حاضر

     
  • At 19/8/07 22:56, Blogger saso

    محمود فهمى
    انت صح
    :$

     
  • At 19/8/07 23:08, Blogger saso

    No Fear
    وعليكم السلام محمد
    طب الحمد لله ان بتخاف علي زعلي بقي
    :P

    مممممممم
    احراج تام
    لا يا سيدي الفكرة اني بقالي كتييييييير مش بكتب كومينتس وفيها لينكات فكود اللينك مظبطش معايا في سلاش زيادة خبت الكومينت كله يبقي اندر لايند
    :$
    معلش بقي امسح الكومينتين التانيين .. الله
    :)

     
  • At 20/8/07 03:34, Blogger علوة

    معرفتش أمسك نفسي من الضحك
    يا عيني ؟؟؟؟؟؟؟
    رغم ان الناس دي غلابة ومكانش معاهم امكانيات
    بس برضه لازم أضحك
    الله يمسيك بالخير يا منير يا كنج
    بس التصوير في الكليب ده جامد
    يموّت من الضحك
    تسلم إيدك
    مستنيكي عندي أخبار حلوة

     
  • At 20/8/07 15:15, Blogger Carol

    umm merci 3al o3'neya :)
    bas beny we benak o3'neyt an3'am a7ssan ketiiiiir :)

     
  • At 22/8/07 05:19, Blogger بحب السيما

    كليب غريب جدا فعلا
    بس مع احترامى التام لكل اللى غنوا الغنوة ديه فمنير هو افضل من غناها وافضل من اخرجها بشكل موسيقى ولحنى مميز سواء فى النسخة الاصلية بتاعة شبابيك او فى النسخة الجديدة بتاعة احلى الاوقات

     
  • At 22/8/07 18:39, Blogger sherefins

    حاضر ايه وانت لحد دلوقتي مجتيش وخليه سريه ايه انت عاوزه تودينا في داهيه حرام عليكي انا عندي عيال عاوزين نربيهم بس برضه احنا منتظرين حضورك في اقرب وقت وانت فعلا الواحد بيدخل عندك مش حتي قبل ما الاخبار ده حتي قبل الواحد ما يصحي من النوم الواحد بينام يحلم بالبوست الجديد بتاعك

     
  • At 22/8/07 21:32, Blogger sherbini_81

    فعلا الاغنيه اول من غناها هو محمد الحلو عام 1978 ويبدو ان بليغ حمدي هو من وضع لمسات لحنها في ذلك الوقت

    ثم استأذن محمد منير الحلو في ان يغنيها هو

    وده شيئ مش غريب فعلاقه محمد منير ومحمد الحلو قويه جداا الي اليوم وكانوا بيحبوا يغنوا اغاني بعض

    مش بس كده هم كانوا زملاء في فرقه اعضاءها 4 افراد في اواخر السبعينيات في كازينو اسمه شاليمار في الاسكندريه وكان معاهم الراحل عمر فتحي وعلي الحجار ، وكانوا بيغنوا معا دائما لعده سنوات

    بس الروح دي مش موجوده النهارده يعني الحلو ومنير كانوا بيغنوا اغاني بعض بالاتفاق والتراضي وبدون زعل

    اما اليوم الناس الجديده بتسرق اغاني بعض مش بيستأذنوا بعض

     
  • At 22/8/07 21:43, Blogger saso

    علوة
    haha
    انا عاجبني الكليب وحو الصحرا ده

    ممممممم
    جيت يافندم مبروك مقدما

     
  • At 22/8/07 21:46, Blogger saso

    Carol
    de rien ya carol :)
    ana 3gbany men mouneer w men angham

    bass mouneer loh tab3 fe elghona lwa7do, bylwen elghenwa bloono

     
  • At 27/8/07 22:57, Blogger saso

    بحب السيما
    اهلا اهلا
    الكليب جميل اوي اكيد في وقته كان ابتكار

    مممممم
    انا باحب النسخة بتاعه احلي الاوقات اكتر من الاولي
    كمان انغام غنتها بروح تانية

    نورت
    :)

     
  • At 27/8/07 23:09, Blogger saso

    sherefins
    احم احم
    مش انت اللي بتقول اجتماعات.. ما علينا ربي العيال وابقي سلملي عليهم

    ميرسي علي باقي الكلام علشان كتير اوي عليا
    :)
    سلام

     
  • At 28/8/07 08:20, Blogger سعيد انحراف

    أول مرة في تاريخ حياتي اعرف ان انغام غنت الاغنية دي، بس بصراحة انغام شلفطت الجوز منير و الحلو
    مسحت بيهم البلاط
    الست دي صوتها مش حنقول لا يقهر .. دا هوه اصلا مينفعش يتقهر

     
  • At 4/9/07 02:05, Blogger voice of love

    لأ بصراحة الأغنية من أنغام حاجة كده صعب تتوصف
    منتهى الرقة والعذوبة والجمال والشاعرية
    مزيكا بصحيح

     
  • At 24/9/07 18:31, Blogger saso

    sherbini

    اشكرك الاول علي المعلومات دي كلها
    و ممممممممم
    هو انت في فورم ابناء مصر؟

    باشكرك بجد علي حاجات مكنتش اعرفها ابدا. عمري ما سمعت ان منير والحلو والحجار غنوا سوا

     
  • At 24/9/07 18:37, Blogger saso

    سعيد انحراف
    :D

    انغام لسه مغنياها من كام يوم.. يادوب في الالبوم الاخير

    مممم
    عجبتك ادي كمان صوت لانغام
    :)

     
  • At 24/9/07 18:40, Blogger saso

    voice of love
    :)
    لا خلاص كده يبقي انغام كسبت يا جميلة

    ولو انه مش مقامه لكن
    رحم الله صديقتك

    سلام يا بنوتة

     
  • At 29/9/07 18:52, Blogger sara...

    تحفه جدا من انغام..بعد منير طبعاااااااا
    مدونه تحفه وحلوة انا استمتعت جدا
    شكرا

     
  • At 20/11/07 16:17, Blogger NoOR

    saso :

    انتي هنا وانا بدر عليكي ........ماشي

    بس ممكن اقول حاجه صغننه ان منير لما غناها الاول قبل الدنيا ريشه دي احلي واحده بس نقدر نقول ان انغام غنيتها حلو قوي بردو

    أنا مش عارف اشوف الكليب الاغنيه بتقفل عليه
    هي انغام دافعه لبلوج سبوت علشان الكليب مايتزاعش

     
  • At 9/12/07 22:46, Blogger sherbini_81

    ساسو الفاليه كويس انك عرفتيني انا فعلا في فورم ابناء مصر وكنت بساعدك في رفع بعض حاجات محمد الحلو واظن اللي متابع حفلات محمد منير لقي ان محمد الحلو طلع مع منير اكثر من مره وفي حفله اخر شهر سبتمبر غني فيها منير وطلع معاه الحلو والحجار وغنوا الثلاثه سوا اغاني منير

    مش قلتلك ياساسو دي روح جماعه مش موجوده دلوقتي لكن لازالت موجوده في قلوب محمد منير ومحمد الحلو وعلي الحجار وعشان كده انا بحب الثلاثه وبقدر صوتهم وبعتبر ان فنهم كنز لو محافظناش عليه وجمعناه هايعرض للأندثار

     
  • At 9/12/07 22:58, Blogger saso

    sara

    اهلا اهلا
    سارة فوكاليز هنا
    (f)
    وانا استمتعت بكلامك
    ووجودك
    ميرسي يافندم
    :)

     
  • At 9/12/07 23:06, Blogger saso

    NoOR

    :D
    حلوة الهايد اند سييك اللي بنلعبها دي

    انا اجي ان تختفي

    عامل ايه في الامتحانات
    lol
    سؤال سخيف

    عجباك لما غناها ف شبابيك
    اكتر من ريشه ف هوا
    :)
    عُلم

    انغام بتحس الكلام اوي وده احلي مافيها

    نجيبلك لينك الكليب علي يوتيوب يا سلام
    :)
    Noorيعني عندنا كام
    http://www.youtube.com/watch?v=rL7J2obiJzM

     
  • At 10/12/07 01:27, Blogger saso

    sherbini_81

    الدنيا صغيرة بقي وكده
    :)

    فعلا كنت معرفش انهم غنوا سوا زمان
    فعلا روح جماعة حلوة اوي لما يطلعوا يغنوا سوا لحد دلوقت

    امممم
    وانا كمان بحب التلاتة
    وبالذات علي
    :D

     
  • At 11/12/07 01:46, Blogger sherbini_81

    ساسو بتحب تسمع ايه ولمين وقديم ولا جديد
    وايه اللي ساسو ممكن تدور عليه في النت من الاغاني القديمه عشان تسمعها

     
  • At 17/12/07 22:45, Blogger ذو النون المصري

    الهنا ما اعدلك
    مليك كل من ملك
    ............
    لبيك قد لبيت لك
    لبيك ان الحمد لك
    ............
    و الملك لا شريك لك
    ما خاب عبد سالك
    ...................
    انت له حيث سلك
    لولاك يارب هلك
    ..................
    لبيك ان الحمد لك
    و الملك لا شريك لك
    .....................
    كل نبي و ملك
    و كل من اهل لك
    ...................
    و كل عبد سالك
    سبح او لبي فلك
    ................
    لبيك ان الحمد لك
    و الملك لا شريك لك
    ...................
    و الليل لما ان حلك
    و السابحات في الفلك
    .................
    علي مجاري المنسلك
    لبيك ان الحمد لك
    .........................
    و الملك لا شريك لك
    يا خاطئا ما اغفلك
    ....................
    اعمل و بادر اجلك
    و اختم بخير عملك
    ...............
    لبيك ان الحمد لك
    و الملك لا شريك لك
    ....................
    هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
    .........................

     
  • At 14/2/08 23:02, Blogger saso

    sherbini_81

    ساسو طول الوقت بتدور انت عارف
    :)
    اللي بدأ الحكاية كلها كانت أغاني الأطفال اولا
    واغاني علي الحجار ثانيا
    بعدها ابتدت ألف فكرة تطلع
    كارتون وافلام ومزيكا واعلانات وبرامج راديو وكتب

    ولحد النهارده لسه مكملتش اغاني علي كلها علشان اتبسط كده وابطل تدوير شوية
    :)

    تسمع لمين بقي بالترتيب
    أغاني
    علي وفيروز وفريد معرفش ليه بحبه اوي

    مزيكا
    مارسيل وانور ابراهيم اللي بحبهم جدا جدا
    وعمر فاروق وسعيد مراد والشريعي

    هممممم
    ماذا عن شربيني
    lol
    بتكلم زي المذيعات كده ليه

     
  • At 14/2/08 23:05, Blogger saso

    ذو النون المصري

    تسلم وينولهالك ان شاء الله
    ميرسي بجد

     
  • At 22/2/08 22:52, Blogger قلم جاف

    النسخة الأصلية الأولى كانت للحلو زي ما الشربيني قال.. أما النسخة الأصلية التجارية للأغنية كانت في ألبوم "شبابيك" اللي أصدره منير سنة 1981..تحفة حقيقية وتفوق بمراحل التوزيع الجديد..

    في التوزيع القديم روح المرحلة .. روح الثمانينيات ..الشلة المنيرية في ذلك الوقت هاني شنودة وعزيز الناصر وجيل التغيير السلمي في الموسيقى المصرية..

    كانت حتنجح بمنير أكثر من الحلو.. الحلو طاقة صوتية محدش ينكرها.. لكن الحلو بينتمي للموسيقى التقليدية اللي ما كانتش تقدر تعكس روح الأغنية دي بنفس القوة اللي عكسها الثورجية .. واللي تحيز لهم التاريخ فيما بعد.. قفز منير إلى القمة وبقي رجل الكاسيت المرعب اللي الكل بيعمل له ألف حساب.. أما الحلو فما استفادش من أخطائه ولا أخطاء غيره وبعد عن الساحة.. يالله.. هييييييه ..دنيا.. ولا دايم إلا وجه الله..

     
  • At 1/3/08 16:19, Blogger saso

    قلم جاف
    كده شربيني هيزعل منك جدا
    شربيني اهداني لينكات 21 ألبوم للحلو
    و83 تيتر مسلسل
    تـحـيـز تــام
    اكتر من تحيزي للحجار كمان

    كلامك صح جدا

    منير غير ان عقله واحساسه متميزين في الاختيار اوقات بحس حظه كمان حلو
    انك تلقي كل الأغاني دي بالروح دي بالاكتمال ده.. هو توفيق وذكاء مع بعض

    ونعم بالله
    :)