حـبـه حـاجـات بـنـحـبـهـا هـنـحـطـهـا هـنـا.. للي يحب يسمعها لو تتسمع يقراها لو تتقري.. شوية حاجات معانا من زمان بنروح شوية ونرجعلها .. وحبه حاجات عاوزين نحبها علشان نرجعلها بعد كده
Wednesday, November 29, 2006,7:42 PM
يــا مـصـري
هنروح لسكة الأغاني الوطنية
أول طلب ييجي للمدونة من محمد مفيد
طلب اغنيتين
اول اغنية لعلي الحجار من كلمات سيد حجاب وألحان ياسر عبد الرحمن
يــا مـصـرى لـيـه دنـيـاك لـخـابـيـط
والغلب محيط والعنكبوت عشش عل الحيط
وسرح عل الغيط يا مـصـرى قوم هش الوطاويط
كفاياك تبليط صعبه الحياه والحل بسيط
حـبـة تـخـطـيـط
فتحت باب إستيرادك
وصرفت فوق ضعف إيرادك حلى للخواجه إستكرادك
سابك بتقرا فى أورادك وده قشطك ونزل تشفيط
وصرفت فوق ضعف إيرادك حلى للخواجه إستكرادك
سابك بتقرا فى أورادك وده قشطك ونزل تشفيط
***
ومهولاتى تحب تزيط
ساعة الفرح زغاريط تنطيط وفى المياتم هات يا صويت
وفى المظاهرات سخن تشيط وفى الانتخاب تنسى التصويت
ساعة الفرح زغاريط تنطيط وفى المياتم هات يا صويت
وفى المظاهرات سخن تشيط وفى الانتخاب تنسى التصويت
***
وليه بترشى وتتساهل
وتبيع حقوقك بالساهل تستاهل النار تستاهل
ياغويط ويحسبك الجاهل ساهل وساهى وغبى وعبيط
وتبيع حقوقك بالساهل تستاهل النار تستاهل
ياغويط ويحسبك الجاهل ساهل وساهى وغبى وعبيط
***
يا مصرى يا اللى الغلا عصرك
والنهب فى عصرك حاصدك قوم للحياه وأسبق عصرك
ولا حاجه هاترجع مصرك إلا أن تكون شغال ونشيط
والنهب فى عصرك حاصدك قوم للحياه وأسبق عصرك
ولا حاجه هاترجع مصرك إلا أن تكون شغال ونشيط
***
يا مصرى قوم...هش الوطاويط...كفاياك تبليط صعبه الحياه والحل بسيط
حـبـة تـخـطـيـط
.
الأغنية التانية لشادية من الحان بليغ حمدي
يا بلادي يا أحلى البلاد يا بلادي
فداكِ أنا و الولاد يا بلادي
يــا بـلادي
يا حبيبتي يا مصر...يا مصر
***
ما شافش الأمل...في عيون الولاد و صبايا البلد
و لا شاف العمل...سهران في البلاد والعزم اتولد
و لا شاف الــنــيــل...في أحضان الشجر
ولا سمع مواويل...في ليالي القمر
أصله ما عداش على مـصــر
يا حبيبتي يا مصر
***
ما شافش الرجال...والسمر الشداد
فوق كل المحن، ولا شاف العناد
في عـيـون الـولاد و تحدي الزمن
ولا شاف اصرار...في عيون البشر
بـيـقـول أحـرار...ولازم نـنـتـصـر
أصله ما عداش على مصر
يا حبيبتي يا مصر...يا مصر
Wednesday, November 22, 2006,10:33 PM
جـوز الــخــيـل والـعـربـيـة
ناخد اجازة من الجوابات حبه ونسمع حاجة قديمة شوية.. وحلوة اوي اوي
الاذاعة وبرنامج الصور الموسيقية يااااة
الاذاعة وبرنامج الصور الموسيقية يااااة
قاعده امبارح بالعب ..وناوية اكتب كلمات النزهة واحط الاغنية نفسها علي البلوج وبس..لحد ما لقيتها متصورة الرسوم المتحركة اللي معمولة حلو وبالنسبة لوقتها هايلة..معمولة بجهد مش بكار المسلوق
يعني البوست هنا صوت وتصوير وكتابة
انـغـامـهـم كـلـهــا حـنـيـّـة
سـوق يـا اسطى لحد الـصـبـحـيـة
علـى راسـى يـاهـــانــم وعـنـيـا
***
الاسـطـي عاجبني يا ماحلا غـنـــاة
والدنيا يـا روحي مـاهيش سـايـعــاه
فـرحـان بـالخـيـل اللى مـهـاوداة
وحـيـاتـه فـى الـدنـيــــا هـنــيــة
سوق ياسطى لـحـد الـصـبحـيـه
عـلـى راسـى يـاهــانــم وعـنـيـا
***
ان شد السرعة بايده يمين بيحودوا زى البنى ادمين
وان شــد شـمــال بـرضـك فـاهـمـيــن
قـايـمـيـن بـواجـبـهـم وشـويــة
سـوق يـاسـطـى لـحـد الـصـبـحـيـة
خــدامــك انــــا والـعـربـيــة
الـجوز الـخيـل والـعـربـيـة انـغـامـهـم كـلـهــا حـنـيـة
يـشـتـغـلـوا عـلـيــهــا الالاتـيـة
وانـا سـايـق الـخـيـل والـعــربـيـة
سـوق يــا اسـطـي لـحـد الـصـبـحـيـة
عـلـي راسـي يـا هــانـم وعـيـنـيـا
***
علي واحـدة ونـص الخـيـل مـاشيـيـن
وانـا اغـني واقـول يـالـيـل يا عـين...يــــا عـيـن
سـوق يـا اسـطـي لـحـد الـصـبـحـيـة
علـي راسي يـا هــانـم وعـيـنـيـا
الـجـوز الخـيـل..والـعـربـيـة
انـغـامـهـم كـلـهـا حـنـيـة
يـشـتـغـلـوا عـلـيـهـا الالاتـيـة
وانـا سـايـق الـخـيـل والـعـربـيـة
سـوق يا اسـطي لـحـد الـصـبـحية
علـي راسـي يـا هـانـم وعـنـيـا
سوق يا اسطـي لـحـد الـصبـحـيـة
خـدامـك انــا والـعـربـيــة
اللحن لسيد مصطفي
قام بالغناء
كارم محمود
شافية احمد
و..طبعا سيد مصطفي
Friday, November 17, 2006,3:15 PM
الجـواب الـثـانـي
كـنـا ناويين نكتب ونحط اي حاجة تاني لكن ادي الـجـواب الـثـانـي مـن جوابــات حراجـي الــقـط ونبقي نغير الموود المرة اللي جاية
زوجي حراجي
فوصلنا خطابك.. شمينا فيه ريحة الاحباب
ربـنـا مـايـورّي حـد غـيـاب
طـب مش اول مرة البسطاوي يخطي عتبة الدار
عمـرنا يـا حراجي ما جـالـنـا جـواب
الـنبـي ساعة مرزوق البِـسطاوي ما نـده كـده
زي مـاكـون دقـت في حـشـايا الـنــار
زي مـاكون العمر بـيـصـدُق بـعد ماكان كداب
اتأخرت مسافة كـبــيـرة ، كـبـيـرة عليّ
عارف فــاطـنـة يا حراجي لا ليها عايل ولا خيّ
لـيــه تـتـأخـر كــده يــا حـراجـي
طـب والـنبـي و كــأن ورقـتـك دي
اول قنديل يـتـهـز فـي جـوف الـدار
أول نــدعــة ضــوّ
الـدار مـن غـيـرك يـابــو عـزيـزة هـــوّ
وعـزيـزة وعـيـد من غيرك يا حراجي ، زي اليتما في العيد
الـواد علي صـغـرة حاسـس بالـغـربـة وبـالـبُُعــد
ولا عـاد حتي بيطـلـع يـلـعـب في الجماره مع الـوِلـد
أطـلـع وأخـش اطـلـع وأخـش الـقــاة غـيـمـان
زي اللـي مـحـروقـلته دكـان
ويـقـوللي فـيـن يـا امـا اسـوان
وابـا سـافـر لـيــه يا امـا ، مـايـمـكـن زعـلان
شـــهــريــن يـا بــخـــيـل
سـتـيـن شـمـس وسـتـيـن لـيـل
الـنـبـي يــا حراجي ماطـول قـلـبـك
لاقـطـع بسـنـاني الـحـتـه الـقـاسـيـة فـيـه
كــل الـجـبلاية تسـلّـم فـردا فـرد
م الـحـاج طِـلـب حـامـد.. لـعـّـيـلـة بـيـت عـلـي سـعـد
وانـشـالله يــا حراجي مـايـوريـنـي فـيـك يــوم
وانـشـالله تـكـون اتـعـلـمـت تـرد قـوام
ومــادمـت احـنـــا رسـيـنــا ع الـعـنــوان
والله مــاحــنـبـطـل بـعــتـــان
مــــفــــهــــوم
اســوان .. زوجـي الـغـالـي
الاسـطـي حراجي الـقـط الـعـامـل فـي الـسـد الـعـالـي
زوجـــتـــك
فـاطـنـة احـمـد عـبـد الـغـفـار.. جـبـلايـة الـفـار
Thursday, November 09, 2006,8:41 PM
حــراجـي الــقـــط
اخترنا تبقي البداية مع جوابات الاسطي حراجي القط لزوجتة فاطنة احمد عبد الغفار
مالقيناش أحلي من كلام الابنودي البرئ جدا والعميق جدا والانساني جدا
كلامه اللي له لحم ودم.. ايه الاحلي لما تقروة ولا تسمعوه معانا ؟
الأحلي بجد يبقي الاتنين
جوابات الاسطي حراجي القط العامل في السد العالي
إلي زوجتة فاطنة احمد عبد الغفار في جبلاية الفار
الجواب الاول >>
.
الجوهرة المصونة والدره المكنونة
زوجتنا فاطنة احمد عبد الغفار
يوصل ويسلم ليها في منزلنا الكاين في جبلاية الفار
زوجتنا فاطنة احمد عبد الغفار
يوصل ويسلم ليها في منزلنا الكاين في جبلاية الفار
أمــــــــــا بـــعـــــد
لاذا كنت هاودت كسوفي ع التأخير
والله ماكنت هاخط بيدي حرف
سامحيني يا فاطنة في طولة الغيبة عليكم
وانا خجلان .. خجلان
واقولك يا زوجتنا انا خجلان منكم من هنا للصبح
شهرين دلوقت
من يوم ماعنيكي يا فاطنة بلـّت شباك القطر
لسوعتي بدمعك ضهر يدي
لحظتها قلتلك قبل ماعاوصل هتلاقي جوابي جاي
نهنهتي وقلتـيلي بـعـتـاب
الـنـبـي عـارفـاك كــدّاب
نسـّاي .. وهتنسي أول ماحتنزل في اسوان
ماعرفت ساعتها يا مرتي .. اضحك ولا ابكي
ماعرفت ساعتها اذا كنت باعوز القطر يقف ولا يولي
حسيت بعنيكي يا فاطنة.. بتقوللي
وتسكت.... وتقوللي
حسيت واليد بتخطفها يد الجدعان
بالقلب في جوفي ماعارف ان كان بردان .. دفــيــان
والبت عزيزة والواد عيد.. قناديل في الجوف
زي مابتضوي ... بـــتــقــيـــد
والقطر اتحرك وقليبي بيتنقل من يد لايد
اتدلدلت بوسطي من الشباك
خدي بالك م الولد.. راعي عزيزة وعيد
والقطر صرخ ورمح لكأنة داس علي بصة نار
ولقطت الحس قريب قد ما كنتي بعيد
قلبي معاك يا حراجي هناك في اسوان
ورميت نفسي وسط الجدعان .. وبـــــرد
وبلدنا اللي كنا بنمشيها في نص نهار
كان القطر ف لحظة فاتها بمشوار
سامحيني يا فاطنة ع التأخير
ولـو الـورقـة يـا بـت الـخـال تـكـفـي
لأعـبـيـلـك بـحـر الـنـيـل والله بـكفي
كـــــــــــــلام
وختاما ليس ختام بابعتلك ليكي
ولناس الجبلاية والبت عزيزة والواد عيد.. ألف سلام
زوجك الاسطي حراجي
ملحوظة، اكتبي ع المظروف
أسوان.. زوجي الغالي
الاسطي حراجي القط العامل في السد العالي
----------------------------------------------
,8:15 PM
تـــلــعــبــوا مـــعـــانـــــــا
هنا احنا مش عاوزين نتكلم عن حاجة محدده.. حبه حاجات بنحبها هنحطها هنا.. للي يحب يسمعها لو تتسمع يقراها لو تتقري.. شوية حاجات معانا من زمان بنروح شوية ونرجعلها .. وحبه حاجات عاوزين نحبها علشان نرجعلها بعد كده فاكر اغنية ايه سمعتها يوم امتحانك اللي فات، كتاب ايه قريتة وانت مسافر.. حته مزيكا لقيت نفسك بتدندنها او احتي اعلان فضل ايام في راسك وفاكر كل تفاصيلة
هانحط هنا حبه حاجات بنحبها من حاجاتنا القديمة
هانحط هنا حبه حاجات بنحبها من حاجاتنا القديمة