Saturday, March 03, 2007,2:00 AM
متحسبوش يا بنات
قاعدة كده فى حالى ، وبأزأز فى لب و سودانى و قاعدة مش لاقية حاجة اعملها و عمالة اعد فى صحابى اللى اختفوا بعد الجواز و افتكر كل واحدة قبل ما تتجوز كانت ازاى هتموت على الجواز و بعد الجواز بتقول ايه
وتقول ياريتنى يا ريتنى ... ؟
.
والاقيها بتقولى ... انا نفسى ابقى اوحشكم ازاى يعنى ؟؟ عايزة اتجوز !!!! ؟
.
هو انت فاكره كله ورد وفل و اشعار .. ما انا لسه حكيالك كل الحواديت اللطيفة بتاعت ستيته و بتعه و زنوبة وازاى قرفانيين من الجواز و اللى بيحصل فيه وبعدين انت مش بتسمعى الرجالة بيقولوا ايه اليومين دول على الجواز
.
قامت مرة واحدة .. و نكشت لى شعرها وفجأة بدأت تغنى وتقول
.
<<متحسبوش يا بنات >>
.
متحسـبوش يـا بـنـات أن الجـواز راحـة
و متزعلوش يا بـنـات أن قولنا بصراحة
أن الجواز عمره ما كان عمره ما كان راحة
***
قولوا لنا يا نصاح
مين فى الحياة مرتاح
حتى الحمام اللى طاير
عنده تعب فى الجناح
***
حلم السعادة الجميل
من منبعه السلسبيل
ميهموش لو يسيل
على صخر أو تفاح
***
ومهما نتعب نقول
تعب الحبيب راحة

متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره ما كان عمره ما كان راحة
***
مهما تقولوا لنا عليه
رجلينا رايحة اليه
و اللى يحب الحلاوة
لابد يرجع اليه
لا بد من بعض نار
ونص درهم مرار
ولما ييجوا الصغار
القلب ترقص عنيه

***
ومهما نتعب نقول
تعب الحبيب راحة

متحسبوش يا بنات أن الجواز راحة
و متزعلوش يا بنات أن قولنا بصراحة
أن الجواز عمره ما كان عمره ما كان راحة

عــــــــــارفييييييييين

البوست جايلنا هدية من الجميلة شيماء صاحبة مدونتي الصراحة خنقة و خليك ذوق


 
posted by saso | Permalink |


7 Comments:


  • At 5/3/07 12:33, Blogger إبـراهيم ... معـايــا

    قطكعًا أغنية جميلة ، وتصلح للولاد والبنااااااااااات


    شكرًا ليكو قوووووي

     
  • At 6/3/07 14:31, Blogger حائر في دنيا الله

    الله أكبر
    البنات مش سعدا
    والولاد كالعادة مش سعدا

    أومال مين السعيد

    اكيد الحموات
    ودول وبرضه ستات

    :)

     
  • At 10/3/07 19:29, Blogger الحصان الأسود

    يااااااة الاغنية دي كنت باحبها قوي وانا صغنن اول ما نزلت

    فرقة المصريين



    تحياتي

     
  • At 11/3/07 23:18, Blogger shaimaa

    اولا
    انا احب اشكر
    MGM
    saso
    Bescuita
    لانهم سمحوا لى انىاكتب البوست ده
    و انهم سمحوا لى كمان انى ارد على التعليقات

    و على فكرة الجاتوه اللى قدموه ليه فى الاستضافة حلو اوى
    :))
    ---------------

    إبـراهيم ... معـايــا

    مممممممممممم
    برضه عارفين يا ابراهيم :))

    --------------------------

    حائر في دنيا الله
    شكلك ركزت فى الماتش اكتر

    يا ابنى هما مضحيين باى حاجة فى سبيل الجواز وهى دى البنات
    بس المهم الولاد يتحركوا بقى
    :D
    ------------------------
    الحصان الأسود
    و حبها كمان وانت كبير
    :))

     
  • At 12/3/07 23:05, Blogger saso

    ايوة كده ..رديتي علي الكومينتس بتاعتك
    انا بقولك ميرسي مليووووون مرة علي البوست الحلو ده

    يلا يا جميلة لو عندك حاجة تاني حلوة قوليلنا
    ميرسي يا شيماء اوي علي البوست والأغنية الحلوة دي

     
  • At 30/3/07 17:49, Blogger محمود فهمى

    لا جواز نافع ولا عزوبيه نافعه امال ايه اللى بيعجب الانسان

     
  • At 19/7/08 03:55, Blogger nana83

    بموت ف الاغنية دى عموما ع موضوع الكومنت لا المتجوزين مرتاحين ولا العزاب مرتاحين اه
    بس البنات للاسف عارفة وهتتجوز هتتجوز اصلكم مش فاهمين الجواز وارف الرجالة احسن من كلام الناس وارفهم انتى ماتجوزتيش لية؟ هو ماحدش بييجى وكلام من تحت لتحت ويمصمصوا شفايفهم
    وهى دة سنة الحياة