Thursday, April 05, 2007,4:23 AM
وعدي يا وعدي
أمريكانا شو
فريق موسيقى ثمانيني...يتألف من
هشام عباس---عالية---أحمد الجبالي
طبعا هشام عباس اشتهر بعديها جدا ...عالية كان لينا لقاء معاها قبل كده في أغنية (لالالالالو) ..والأغنية اللي جاية دي برضه بتاعتها...نفس أسلوب الدلع الظريف مع الكلام التهييسي
الأغنية دي أشتهرت أوي من خلال إعلان البيفي قديما...اعتقد في كتير كانوا فاكرين الإعلان ده...مش كده؟
....عموما اسيبكوا مع الأغنية الظريفة جدا

وعدي يا وعدي

هاتوا الدربوكة

يالا وغنولي

امسكوا على الواحدة

وبعدين عدولي

وهنرقص لما

تتلم اللمة

وبلاش من الفينو

محناش عيزينووووه

أما البلدي (وعدي يا وعدي)

وعدي يا وعدي (ولدي يا ولدي)

ولدي يا ولدي (عيني على البلدي)

عيني على البلدي (وعدي يا وعدي)

يالا يا متولي

ويا عبد الباري

خدوا مني فلوسي

ما تخلوا الباقي

وادوني ملاية

تتمشى معايا

وبلاش من الفينو

محناش عيزينووووه

أما البلدي (وعدي يا وعدي)

وعدي يا وعدي (ولدي يا ولدي)

ولدي يا ولدي (عيني على البلدي)

عيني على البلدي (وعدي يا وعدي)

سمعني ا أبو الوفا

حاجة كده متكلفة

وهنسمع كلنا

والرقصة تلمنا

وانا مهما الوقت طول وتعبنا كلنا

مش هقول متأسفة رقصني يا أبو الوفا

2x

هات الفينو

يالا وغنيلوا

دي السهرة عليا

وعليك تحزيمه

سمعني الدقة

متقولش لأ

رقصوه على الواحدة

واديلوا لفة ه ه ه ه

أصل البلدي (وعدي يا وعدي)

وعدي يا وعدي (ولدي يا ولدي)

ولدي يا ولدي (عيني على البلدي)

عيني على البلدي (وعدي يا وعدي)

 
posted by VLaD | Permalink |


12 Comments:


  • At 5/4/07 20:39, Blogger shaimaa

    الاغنية دة اتعملت اعلانيين
    الاعلان الاولانى كان عن لحمة بلدى تقريبا
    او حواوشى و كان فى ال تسعينات

    والجزء بتاع ابو الوفا
    كان اعلان لكاربت سيتى
    و كانوا اعلانيين جامدين اوى

    بعد ما غيروا الكلام فيهم
    بجد تحففففففففففففففففة

    تسلم ايديك يا
    the M

    بس قولى انت بتجيب الحاجات دى ازاى
    ها ها ها
    :D

    العواف
    :)
    وعينى على البلدى

     
  • At 6/4/07 05:57, Blogger VLaD

    Shimaa
    ميرسي على ردك أولا
    الجزء الأولاني كان عن البيفي...انت ناسية ولا ايه
    (هات الفينو...شيل اللبادة...ما تحط البيفي...هات الشامي...ماتخدلك نصه...وحط البيفي ...ده البيفي ده طازااااةةةة)الجزء بتاع ابو الوفا ده مكنتش فاكره ...شكرا انك فكرتيني...انا عمال أقول ...سمعتها فين دي ومش فاكر خالص...اصل الأغنية التانية بتاعت محمود ايه ده يا محمود...ده كاربت سيتي يا عديلة...هي اللي معلقة معايا علشان انا اسمي محمود وطبيعي كنت بتغاظ منها
    الحاجات دي بتبقى صدف والله بس صدف ظريفة
    و وعدي يا وعدي

     
  • At 6/4/07 17:27, Blogger saso

    :)
    مش عالية دي بتاعة أغنية تعالي نقول سوا
    وكان ليها اغنية رخمة في الالبوم المشترك مع هشام من بحري وبنحبوة ..مكنتش باسمع الالبوم بسببها
    بس اول مرة اعرف انها اللي عملت الاغنيتين

    ازاي مش فاكر اعلان (هاديني يابو الوفا ..بملاية والحفة ..النوم خاصم عينيا ...الخ) إعلان كاربت سيتي زي ماقالت شيماء

    ميرسي يا محمود علي الأغنية
    وميرسي علي البلاير الجديد
    :)

     
  • At 7/4/07 02:37, Blogger VLaD

    saso
    مش عارف والله اذا كانت هيا ولا لأ بتاعة الأغنية دي
    انا فاكر الأعلان بس مكنتش متذكر قوي..عادي بقه...الزهايمر
    ميرسي ليكي طبعا على الرد...والبلاير لقيته بعد طحن في التدوير...بس ظريف

     
  • At 7/4/07 22:29, Blogger sabrina

    ازيك يا ساسو
    أفتكرت الأعلأن كأن مر عليه دهر
    الأغنيه اللي كنت بحبها ليها أكتر تعالي
    كانت عاليه حلو فيها أوى
    saso plz
    عايزه اغنيه فيروز عاليه!!!!!!!

     
  • At 7/4/07 22:36, Blogger Sharm

    والله انتم زي العسل

    بتفكروني بحاجات فظيعة

     
  • At 14/4/07 01:02, Blogger REEMOO

    انا كنت بحب الفريق جدا
    كنت بموت فى اغنيه تعالى بتاعه هشام وعاليه
    بجد لو تعرف تجيبها ياريت تنزلها
    انا اول مره ادخل هنا
    بس بجد عجبتنى اوى الفكره
    هدخل كتير اكيد
    تحياتى

     
  • At 12/8/07 12:28, Blogger بنوتة

    هاي يا ساسو ازايك
    سورري نسيت
    تحياتي

     
  • At 15/8/07 03:30, Blogger saso

    sabrina

    DONE
    طبعا يا جميلة

     
  • At 15/8/07 03:31, Blogger saso

    بنوتة
    ميرسي يا بنوتة علي ذوقك
    انا تمام يا جميلة

     
  • At 22/2/08 23:00, Blogger قلم جاف

    بالمناسبة.. عالية اختفت تماماً بعد الأغنية الدويتو اللي غنتها مع هشام في ألبوم "تعالى".. واللي كتبها محمد ناصر تقريباً (بتاع أكيد في مصر على ما أعتقد)..

    ولم يبق من الشلة إلا هشام.. اللي خد وقته ..وضيع نفسه بنفسه..

     
  • At 18/4/08 08:28, Blogger katkot

    شكرا على المجهود الجااااااامد