Wednesday, February 14, 2007,4:01 PM
حدوتة الأرنب والتعلب
حبايبي الحلوين
اكتب ولا اسيبكم تسمعوا .. أصل البوست مش محتاج كلام
حبايبي الحلوين .. انا اول ما كنت اسمع الجملة دي ..اقعد ساكتة واسمع أبلة فضيلة هتقول ايه، صوتها الجميل اللي كأنة بيضحك .. يوم الجمعة اللي ما بيكملش غير لما تقول ..توتة توتة واللي هييجي بكرة هيفرح بالغنوة ويتهني بالحدوتة
.
حبايبي الحلوين ..ان كان في الحواديت ولا مش في الحواديت الأرنب دايما بيخاف من التعلب، والتعلب دايما بيخوف الارنب.. والحدوتة حدوتة الاتنين
<< حدوتة الأرنب والتعلب >>
اسيبكم تسمعوا ماهو صعب اكتبلكم الحدوتة، دي بس تتسمع .. تخلص الحدوتة وتقول
حبايبي الحلوين بكرة ان شاء الله وفي نفس المعاد اللي هييجي فيه .. هيفرح بالغنوه ويتسلي بالحدوتة
أقولكم ايه .. توتة توتة ، غنوه ....... وحدوتة
 
posted by saso | Permalink |


10 Comments:


  • At 14/2/07 21:35, Blogger لحظة صدق

    حلوة اوى يا ساسو
    افتكر انها حلقة نسيت اسمعها
    كنا زمان نلزق ودننا جنب الراديو الساعة 10 الصبح
    عشان ابلة فضيلة
    و اما رحت المدرسة يا سلام بقى على ايام الاجازات و لا المسائى كنت ما اصدق
    شكرا يا سكر

     
  • At 15/2/07 13:10, Blogger Sharm

    معقول

    في حد يعمل بوست عن كده؟

    ايه ده ؟

    انا سمعتها كلها

    حلوة اوي

     
  • At 20/2/07 19:18, Blogger سمسم

    تمااااااااااااااااااااااااااااااام

    انا رجعت 120 سنة للخلف


    ياه فين لما ابلة فضيلة إتزاعتلها اول حلقة من البرنامج

    كح كح كح كح كح كح

    يا سلام كانت ايام جميلة...زمان

    كتر خيرك يا ساسو يا بنتي...وتسلم إيديك

    شوفنا حاجة المرة الجاية من بتوع اونكل علي الكسار

    سلام بقي عشان التربي جاي يشيك عليا

    سلام

     
  • At 23/2/07 18:09, Blogger saso

    bescuita
    ميرسي يا جميلة
    الساعة 9.45 تلقيني قاعدة وباسكت اي حد يتكلم علشان اعرف اسمع
    اما رحت المدرسة كنت بانساها معرفش ليه لحد يوم الجمعة اصحي اسمعها وبعدين اروح اتفرج علي عفاف الهلاوي وسينما الاطفال
    كده يبقي يوم جمعة حلو
    :)
    ميرسي يا نونو

     
  • At 23/2/07 18:11, Blogger saso

    sharm
    شفت بقي
    ميرسي يا احمد ..مادام عجبتك هنجيب حواديت تانية

     
  • At 23/2/07 18:13, Blogger saso

    سمسم
    120 سنة بس
    ايه ده

    فاتك 30 سنة من الحواديت معلش بقي ابقي احكيهملك
    :P

    ميرسي ليك وحاضر لو عاوز افلام توجو مزراحي برضة مفيش مشاكل

    باي باي

     
  • At 3/3/07 00:57, Blogger Sharm

    يالا يا ساسو فين الحواديت الجديدة

    اختى الصغيرة ما باقتش تنام الا لما تسمع الحدوتة و زهقت من الحدوتة دي

    و انا تقريبا حفظتها

    !!!!

    مش عارف اعمل فيها ايه

    شكلي هديها هدية للجيران و اخلص منها

     
  • At 3/3/07 01:50, Blogger saso

    sharm
    !!!! هتتبرع بالبنت
    حاضر بس البوست اللي جاي كادو من شيماء الجميلة
    انت بقي ليك عندي حدوتة جديدة
    حدوتة التلات اخوات

     
  • At 15/3/07 17:53, Blogger محمود فهمى

    كنت وانا فى ابتدائى فى مدرسه نص السنه الاولانى بنروح فتره مسائيه وكان لازم كل يوم اسمع ابله فضيله وكنت بازعل اوى فى نص السنه التانى لاننا كنا بنروح الصبح وطبعا بتفوتنى غنوه وحدوته
    رجعتينى لايام جميله
    (ماسك فى ديل الطفوله
    خايف تروح منى )

     
  • At 15/3/07 19:42, Blogger saso

    محمود

    انا مكنتش اعرف انها بتتذاع كل يوم غير لما كبرت وخلصت ابتدائي كلة كنت باستغرب لغنوة التيتر اوي
    اللي هييجي بكرة هيفرح بالغنوة ويتهني بالحدوتة
    :D

    يمكن انا زيك باتمسك بطفولتي اوي ..بابتسم لما اسمعها شغالة في تاكسي بيوصل الولاد للمدرسة الصبح وابقي مش عاوزة امشي الا لما اسمع حبايبي الحلوين

    خلينا ماسكين في الطفولة اوي اوعي تروح منا
    :)