Sunday, January 28, 2007,5:03 AM
الأولى أه
يا مساء الجمال ...
الأغنية اللي جاية دي ...قديمة !!! ومش أغنية بالمعنى المفهوم ..هو موال غناه عمنا محمد العزبي
بصراحة الموال عجبني جدا..وكلامه معبر جدا ومش محتاج كلام كتير يتقال عليه أسيبكو تعيشوا مع الموال والحاجات الشعبي الأصيلة
اسمع يا سيدي:

الأولى أه على القلب اللي متهناش
والتانية اه على اللي صابر بس بخته مجاش
والتالتة اه على اللي في الدنيا لا مات ولا عاش
حبينا يا قلبي لكن شوفنا حبايبنا سابوا اللي يسوى وراحوا للي ما يسواش
يااااااااااااااا ليل
لقيت طيرة بتتألم ونار حامية بتكويها
على عود الحطب واقفة وشوك الدنيا حواليها
وصياد القدر واقف وبرصاصه هيرميها
سألت عليها بدي أعرف لمين هي ومين ليها
قالولي الأم سيباها وأبوها كمان ناسيها
يا عيني
ضحية في الدنيا, يا خوفي الوحدة تضنيها
ده لو هب الهوا ليلة, مسير العود يميل بيها
وقولت يا رب ساعدني. علشان اقدر انجيها
شاورت بإيدي أناديلها, وجاتلي وخدت بإديها
بنيت العش في العالي , وكان قصدي أعليها
ولما عششت جنبي, وشوفت الفرح في عنيها
فتحت لحبها قلبي, وقلت يا رب هنيها
وخدت من الشجر ورقه , عجنته الحنة أحنيها
وخدت من العنب خمره , عشان أشرب وأسقيها
وخدت من العسل شهده , عشان تاكل وأغذيها
وخدت من الهوا غنوة بصوت الناي أغنيها
وجبت الورد من البلدي , عملته تاج يحليها
وجبت بخور من الجاوي , أبخرها وأرقيها
وجبت حرير من الهندي , عملته ستار يداريها
وليلة في العشا جالها واحد تاني يناديها
سابتني للي كان, وحدي , ونزلتله برجليها
حلوة مش كده....بجد تمام قوي
طبعا كالعادة عايز تسمع هتسمع طول مانت على البلوج وده موضوع مؤقت علشان هتتشال مع المواضيع الجديدة كنوع من الإحلال والتجديد..!!!
عايز تنزل الأغنية دوس على اللينك ده
 
posted by VLaD | Permalink | 13 comments
Friday, January 19, 2007,10:37 PM
ابريق الشاى
كل سنة و انتم طيبين
جاية اهو بسرعة جرى ......................و اه عاوزة العب انا كمان
بس بقى كنت جايبة معاية بسكوت بالشكولاتة و شاى
عشان خاطر ابريق الشاى
اصلا كنت عاوزة اجيب اغنية انا الفرخة بس يا عينى مافيش و لا فرخة فاضية اما مقبوض عليها او حجر صحى او ف الفرن و الكتاكيت لسة حبة ع ما يفقس البيض
المهم يالا بينا عشان ابريق الشاى
اول ما سمعت اغنية ابريق الشاى افتكرت نفس مشاعر زمان ازاى الابريق كان بيصعب على و كنت باخاف عليه يقع ينكسر اكمنه كان طاير رغم ان الواحد كبر بس نفس المشاعر بتفاصيلها النونو بتركبك حتى الاطفال اللى عاوزين بسكوت بالشكولاتة و خيبة الامل لما راحوا للبقال قاللهم خدوا بفلوسكم كلها سكر شعور غريب بالفلس و الحيرة و طعم البسكوت بالشكولاتة خصوصا بيمبو عشان ماكانش فى غيره هههههه
و التعلب اللى ف ديله سبع لفات كل واحد يتخيل ازاى كان بيفسر دقايق الكلام و القرصان الشرير اللى قعد يرقص ف الاخر
ممكن تكون بتلعب ولامم لعبك حواليك و لما الاغنية تييجى ف التليفزيون تبطل لعب و تركز أوى عشان تحاول تفهم الكلام الملخبط بس بيبقى اخر شعور فى قعر كوبايتك انك عاوز تسمعها تانى و تانى يمكن تقدر تفسر كل الالغاز دى و يمكن غيرك زيي كده يهرب يستخبى عشان الاتنين اللى عاااااااااااااااااااااااااااااموا عاااااااااااااااااااااااااااموا بيصعبوا عليه أوى
سيد الملاح غناها
و انا اعرف ان اسمه ابريق الشاى و بس
كلمات الأغنية بقى
أنا أنا أنا أبريق الشاى
ايدى كده ... بوزى كده
أصب الشاى... و ارجع كده

أنا أنا أنا أبريق الشاى ايدى كده ... بوزى كده أصب الشاى... و ارجع كده
و اعرف برضه يا كتاكيت احكى حواديت
كان فى واحد اتنين تلاتة
كان فى واحد اتنين تلاتة
ويا اربعة خمسة تاتا تاتا
ويا اربعة خمسة تاتا تاتا
راحوا لعم على الحلوانى ....عايزين بسكوت بالشكولاتة
عايزين بسكوت بالشكولاتة
الحلوانى يا أطفال فكر حبة و بعدين قال
بسكوت بالشكولاتة مافيشى يمكن فى عند البقال
يمكن فى عند البقال
البقال قال اشتروا سكر
خدوا بفلوسكم كلها سكر
أحلى شئ ف الدنيا السكر حتى اسألوا ابريق الشاى
ابريق الشاى... ابريق الشاى
أنا أنا أنا أبريق الشاى
ايدى كده ... بوزى كده
أصب الشاى... و ارجع كده
و اعرف برضه يا كتاكيت احكى حواديت
....
..
....
كان يا ما كان قفطان لونه أحمر
كان يا ما كان قفطان لونه أحمر
لابساه امورة اسمها مرمر
لابساه امورة اسمها مرمر
و قطط رومى و ديك فيومى و انا و انتم قاعدين نتنأور
و انا و انتم قاعدين نتنأور
حاجة ظريفة و عال العال
حاجة ظريفة و عال العال
لكن فجأة حصل زلزال
هى هاهاهاها
زلزال.... زلزال
اتاريه الفيل أبو زلومة عمال يرقص ف الأدغال
عمال يرقص ف الأدغال
جوة الأدغال الهندية
الفيل بيغنى أغنية
و يقول أنا و انتى يا زلومتى نشبه سوا أبريق الشاى
أبريق الشاى... أبريق الشاى
أنا أنا أنا أبريق الشاى
ايدى كده ... بوزى كده , أصب الشاى... و ارجع كده
و اعرف برضه يا كتاكيت احكى حواديت
....
..
....
كان فى ف بلاد العجايب
كان فى ف بلاد العجايب
حفلة شاى لتلاتة حبايب
حفلة شاى لتلاتة حبايب
الدبة و البوبى و النملة....... و التعلب بره مالوش نايب
التعلب بره مالوش نايب
التعلب قدامهم فات و ف ديله سبع لفات
التعلب قدامهم فات و ف ديله سبع لفات
كل الحفلة قالو له يا تعلب ابعد عنا عشر ياردات
ابعد عنا عشر ياردات
تعلوبة قال :فيها لأخفيها و اقلب فناجيلها و كراسيها
و عشان أغيظكم و أجننكم راح أخبى أبريق الشاى
أبريق الشاى... أبريق الشاى
أنا أنا أنا أبريق الشاى
ايدى كده ... بوزى كده , أصب الشاى... و ارجع كده
و اعرف برضه يا كتاكيت احكى حواديت
....
..
....
كان ... ايه
فى ... ايه
واحد مزيكاتى
كان ...ايه
فى ... ايه
واحد مزيكاتى
و معاه صاحبه مألفاتى
و معاه صاحبه مألفاتى
غرقت بهم مركب
عااااااااااااااااااااااااموا عاااااااااااااااااااااااااااموا عااااااااااااااااااااااااااموا عاااااااااااااااااااااااموا
لجزيرة القرصان زناتى
لجزيرة القرصان زناتى
ا
لأتنين كانوا طول وعراض
انما قصروا من الأمراض
بقوا كده من الأمواج الصاقعة
والسمك البلطي العضاض
والسمك البلطي العضاض
القرصان قال
اقفوا كويس
أأأأأحنا كده كويس
ياله نخش عليه ونميس ونغني أبريق الشاي
الغنوة دي مش عارفها
ياله دلوقتي نألفها
طب الف
أنا أنا أنا أبريق الشاى ايدى كده ... بوزى كده , أصب الشاى... و ارجع كده و اعرف برضه يا كتاكيت احكى حواديت
أنا أنا أنا أبريق الشاى
ايدى كده ... بوزى كده
أصب الشاى... و ارجع كده
الأبريق = أزرق
الأطفال=أحمر
الحلوانى=أورانج
البقال =موف غامق
الحفلة = دهبى
التعلب = اخصر
القرصان = بنى
الاتنين = اصفر
المغنواتى= سماوى
المألفاتى = موف فاتح
اه صح حملها من هنا الصوت الفيديو

 
posted by لحظة صدق | Permalink | 15 comments
Saturday, January 13, 2007,3:45 AM
هــّـم النـّـم
draftsman بناء علي طلب قديم حبة من
هنحط أول أغنية أطفال - ودي أكتر حاجة انا بحبها-علي المدونة هنا .. عـفـاف راضـي
<< هـّـم الـنـّم>>
يـــا روحـي
يلا جـايبالك مـم
كل واكبرلي يا روحي
يلا هم النم
مرة سألت الأستاذ أرنب
ليه مانتاش لابس نضارة
انا طول عمري ظريف ومؤدب
وآكل من غير ما أعمل غارة
علشان بـاكل اقدر ألـعب
واجري أسرع م الطيارة
وزمان قالوا الجزر
أكلة يقوي النظــر
رحت انا واكل هم المم
***
والست زرافة قلتلها
جايبة الظرف دة كله منين
هزت راسها وهزت ديلها
وقالت بعيونها الحلوين
أيـهـا خـٌضـرة بـاشوفـهـا
باكلها وامضغها بين الفكين
وزمان قالوا الخضار
بيخلينا كباااار
ويخلينا خفاف الدم
***
مرة سألت الفيل النونو
انت كبير اوي ليه ومتين
شال زلومتة وقال بعيونة
انا باكل والعب تمارين
والبرسيم بيشدني لـونـة
أكـلـة كلة غـذا وفيتامين
وزمان قالوا إذا
اهتميت بالغذا
تبقي متين وسريع الفهم
***
هـم النـم يا روحي يلا هم النم
كل واكبرلي يا روحي
يلا هـم الـنـم
 
posted by saso | Permalink | 4 comments
Tuesday, January 02, 2007,9:47 PM
خٌلتي يا خٌلتي
السلام عليكم
طبعا كل سنة وأنتم طيبين ...وعقبال كل سنة والحاجات دي كلها....في أغنية جميلة قوي وهي من أغاني النضال الفلسطيني اسمها خٌلتي...اسم القصيدة الأصلية منهجية العربي بالتفكير الأغنية الأصلية غناها مطرب فلسطيني اسمه عبدالله حداد لكن في رأيي الشخصي ان لطفي بو شناق أداها بطريقة أفضل علشان كده انا هحطها بصوت لطفي بو شناق ...وهي جميلة قوي وكلامها ظريف جدا
اسمع يا سيدي
يا خٌلتي
خٌلتي يا خٌلتي يا خٌلتي
انا عربي اصيل يا خٌلتي
وباصالتي بتكمن علتي
ما اقبل الضيم بارضي
ما اقبل الضيم بعرضي
ما اقبل الضيم بملتي يا خلتي
كيف ينضحك علينا كيف ؟
وكيف يقبلها على نفسه العربي؟
وحنا النشاما رجال السيف
رجال الحق من سلالة نبي حيف على لحانا حيف
يحلقها الموس الاجنبي يا خلتي
انا كنت ارعى الغنم في البراري
واسمع اخباركم من راديو ترنزستور اخباركم شوشت افكاري
قلت اشوف بعيني واستخبر
وجيت تهت
صرت مش داري مين فيكم السيد
ومن فيكم المستر يا خلتي
انا كيف اقول يا ناقتي نخي
وانتي طول عمرك جمل المحامل
سمعت نغمة ازعجت مخي
سالت قالوا تكتيك يا جاهل
ان رخوا نشد
وان شدوا نرخي هيك انشهرنا في المحافل لازم تكون تكتكجي ابن تكتكجي ابن تكتيك يا متكتك تكتك بتتكت كل المسائل يا خلتي
كل شي فهمتوا بيك يا معود الا التكتيك كل شي فهمتوا بيك يا معود الا التكتيك
انا راجع ارعى الغنم واحكي القصة للغنم بلكي ان فهم الغنم وفهموني برجع ليك ويا معود الا التكتيك
راجع أرعى غنامتي ..يمكن استوعب أكثر
ولجل أسلمي عقلاتي راح ابيع الترنزستور
يا عالم أريد أخلص واشتري بحقه...... راديو بالسلم بيرقص بالحرب بيقرا قرآن
ويقولوا هذا تكتيك خلونا نبطل تكتيك يا معود إلا تكتك تكتك تكتيك
(طبعا عايز تسمع هتسمع من على البلوج (مؤقتا
عايز تحمل الأغنية حمل من هنا
 
posted by VLaD | Permalink | 7 comments