Thursday, June 21, 2007,4:47 PM
بــنـــــام
<< بنام >>

عن الاغاني اللي كانت بتتعمل مخصوص للاعلانات cheer up كنا بنتكلم ف
اشهر الاغاني دي كانت من انتاج امريكانا شو ومنها ظهرت عاليه وهشام عباس والبومهم اللي اغاني منه اتعملت اعلانات
زي ولا علي بالي واغاني تانية
فقلت نحط غنوة من الاغاني دي

اسيبكم معاها ولا ابوظها واقول هي ايه
.....
هابوظها
فاكرين اعلان كيتو

دي غنوة الناموس بتاعته
:)
كفاية كلام لحد كده واسمعوا الغنوة
بــنـــــــــــــــام
ألبوم بنام لامريكانا شو انتاج سنة 90
طارق الكاشف
 
posted by saso | Permalink |


17 Comments:


  • At 22/6/07 02:12, Blogger Leonardo

    مش فاهم إيه مود الإعلانات ده بس مش مشكلة !
    الحكاية ظريفة :)
    والإعلانات سواء الفيديو الناحية التانية أو الناموس هنا حلوة
    سيبك طبعا من إن الأغنية دى مناسبة جدا اليومين دول لأنهم جنة الناموس طول السنة وسط الحر والرطوبة

    صيف وحر وشمس وناموس ؟؟
    بيتهيألى الحاجات دى هى اللى رفعت معنوياتك وخلّتك تدخلى بلوجر تانى ;)

     
  • At 2/7/07 22:04, Blogger sabrina

    ازيك يا ساسو!!!!
    الأغنيه تحفه
    مت علي نفسي من الضحك!!!!!

     
  • At 8/7/07 21:27, Blogger محمد ثروت الجابري

    المدونة تحفة
    استمروا للأبد

     
  • At 9/7/07 08:55, Blogger محمود الدوح

    هههههههههههههههههه
    تحفة
    بجد تحفة
    انت جبتها منين

     
  • At 10/7/07 13:04, Blogger saso

    :)
    ليو .. ولا انا عارفه بس اهي اظرف من الكتابه .. كان موود كده وخلص

    معنديش ناموس انا شفت محظوظة ازاي.. الناس هنا مقفله كل المداخل انا باخرج بالعافيه
    :P
    سيبك برضه برضه الصيف حلو

     
  • At 14/7/07 22:01, Blogger No Fear

    السلام عليكم
    أزيك ساسو
    مش تقوليلي علي المدونة دي أنا مش بأدخل هنا غير كل خمسين مرة المهم
    أنت بجد مش ممكن
    مش عارف اصلا الأفكار دي بتجيلك منين و لا حتي بتجيبي المواد اللي بتنشريها دي منين
    أنت فنانة و لا بتشتغلي في مجال الإعلانات و لا مجال الكمبيوتر مش عارف أنت عبقرية في كل حاجة ربنا يوفقك
    و كمان معلوماتك بسم الله ما شاء الله مش حسد إنها غبطة
    أنا نفسي نكون أصدقاء بجد أكتر من كده
    بس طلب لو طلبت منك في أي وقت إيميلك علي الأقل بلاش تديه لي علشان أنا بأكسر أي شئ جميل بأحصل عليه و مش بأعرف أحافظ علي صداقاتي و كمان أنا مش أمله يعني أوك
    أعملي بقة بوست جديد شكلي بايخ قوي عامل 7 كومنت من أصل 15عيب كده بلاش ذل

     
  • At 16/7/07 18:00, Blogger قطر الندي

    الاغنيه جامده موت ياااااااااه يا ساسو رجعتينا لايام الطفوله و اغاني الاعلانات اللي كنا بنحفظها عن ظهر قلب وقتها ماكناش بنحفظ الاغاني الاصليه كنا نحفظ اغنية الاعلان علي طول

     
  • At 17/7/07 22:51, Blogger saso

    sabrina
    الحمد لله يا جميلة
    ازيك انت
    مادام عجبتك هاحطلك اغاني اعلانات حلوة المرات اللي جايه
    :)

     
  • At 17/7/07 22:54, Blogger saso

    محمد ثروت الجابري

    ميرسيييييييي
    وحاضر يا محمد .. هنستمر ان شاء الله

     
  • At 20/7/07 17:42, Blogger saso

    محمود الدوح

    ميرسي يا محمد
    مش فاكرة بس لقيتها صدفة في سيرش
    :)
    المهم انها عجبتك

     
  • At 20/7/07 17:46, Blogger saso

    No Fear
    وعليكم السلام محمد
    الحمد لله .. وانت ازيك

    انت مكنتش بتيجي هنا خالص
    :(
    لييييه
    دي المدونة اللي باريح فيها شوية من الكلام الجد اللي في شير اب

    ممممم
    الافكار دي سهلة .. الاغاني بقي بتبقي رخمة اوقات واوقات بتلقاها صدفة
    مينفعش تسمعها لوحدك بتبقي عاوز كل الناس تسمعها معاك
    :)
    زي الغنوة دي

    لا لا
    اعلانات ايه
    انا محاسبة في شركة سياحة خارجية

    طبعا يسعدني بجد نبقي صحاب.. حد يلاقي صاحب كويس كده زيك ومايفرحش

    حاضر يا سيدي هاعمل بوست جديد علشانك .. هي بس حبه لخبة في الشغل اخد اجازة وانا اقعد اكتب طوووووول النهار

    سلام يا جميل
    ومتعدش الكومنتات . المهم انك بتكتبلي

     
  • At 20/7/07 17:52, Blogger saso

    قطر الندي
    :)
    اهلا بيكي يا جميلة
    حلوة الغنوة
    :)
    انا كمان حافظة كل اغاني الاعلانات بتاعه زمان
    بالذات اعلانات امريكانا .. اللي كانت بتيجي في رمضان

    عارفه اعلان البيفي.. اللي في بوست سابق
    انا مكنتش اعرف ان دي اغنية .. انا حافظة الاعلان وبس
    ---
    مدونه برجك ايه.. حلوة اوي
    وحلو بوست برج الجوزاء في المدونة التانية
    احم احم
    انا كمان برج الجوزاء

     
  • At 23/7/07 22:57, Blogger تامر حسين

    بجد جامده مووووووووووووووووت
    تحياتي

     
  • At 22/2/08 22:58, Blogger قلم جاف

    لا تستهتروا بإعلانات الثمانينات.. دي عملت أحلى دماغ لجيلي بأكمله دون مبالغة!

     
  • At 23/2/08 11:19, Blogger saso

    تامر حسين
    ميرسييييييييييييييييييي يا تامر

     
  • At 23/2/08 11:21, Blogger saso

    قلم جاف
    لا يمكن
    دي أيقونة لفترة بحبها مينفعش تفتكر رمضان زمان من غير اعلانات الصمدي وبسكو مصر
    :P

    والله وبقت إعلانات امريكانا شاهد علي عصرها
    :)

     
  • At 28/3/09 16:11, Blogger mohammed

    hi

    this tone is taken from 1964 Beatles song i feel fine ....

    here it in the link
    http://www.youtube.com/watch?v=fGFRDkoNpao