Wednesday, November 29, 2006,7:42 PM
يــا مـصـري
هنروح لسكة الأغاني الوطنية
أول طلب ييجي للمدونة من محمد مفيد
طلب اغنيتين
اول اغنية لعلي الحجار من كلمات سيد حجاب وألحان ياسر عبد الرحمن
<<يـــــا مــصـــري>>

يــا مـصـرى لـيـه دنـيـاك لـخـابـيـط
والغلب محيط والعنكبوت عشش عل الحيط
وسرح عل الغيط يا مـصـرى قوم هش الوطاويط
كفاياك تبليط صعبه الحياه والحل بسيط
حـبـة تـخـطـيـط
فتحت باب إستيرادك
وصرفت فوق ضعف إيرادك حلى للخواجه إستكرادك
سابك بتقرا فى أورادك وده قشطك ونزل تشفيط
***
ومهولاتى تحب تزيط
ساعة الفرح زغاريط تنطيط وفى المياتم هات يا صويت
وفى المظاهرات سخن تشيط وفى الانتخاب تنسى التصويت
***
وليه بترشى وتتساهل
وتبيع حقوقك بالساهل تستاهل النار تستاهل
ياغويط ويحسبك الجاهل ساهل وساهى وغبى وعبيط
***
يا مصرى يا اللى الغلا عصرك
والنهب فى عصرك حاصدك قوم للحياه وأسبق عصرك
ولا حاجه هاترجع مصرك إلا أن تكون شغال ونشيط
***
يا مصرى قوم...هش الوطاويط...كفاياك تبليط صعبه الحياه والحل بسيط
حـبـة تـخـطـيـط
.
الأغنية التانية لشادية من الحان بليغ حمدي
<<يـا احـلـي الـبــلاد يا بـلادي>>
يا بلادي يا أحلى البلاد يا بلادي
فداكِ أنا و الولاد يا بلادي
يــا بـلادي
يا حبيبتي يا مصر...يا مصر
***
ما شافش الأمل...في عيون الولاد و صبايا البلد
و لا شاف العمل...سهران في البلاد والعزم اتولد
و لا شاف الــنــيــل...في أحضان الشجر
ولا سمع مواويل...في ليالي القمر
أصله ما عداش على مـصــر
يا حبيبتي يا مصر
***
ما شافش الرجال...والسمر الشداد
فوق كل المحن، ولا شاف العناد
في عـيـون الـولاد و تحدي الزمن
ولا شاف اصرار...في عيون البشر
بـيـقـول أحـرار...ولازم نـنـتـصـر
أصله ما عداش على مصر
يا حبيبتي يا مصر...يا مصر
 
posted by saso | Permalink |


11 Comments:


  • At 30/11/06 09:43, Blogger مـحـمـد مـفـيـد

    العفريته بيور
    اولا اشكرك علي اهتمامك وسرعه تلبيه الطلب ودليل علي وفائك
    تعرفي ان لست ممن يهتمون بالاغاني ولكن اغنيه يا مصري لعلي الحجار من الاغان التي عالقه بذهني جدا وكم هي معبره عن حالنا وحال كل مصري وكم ابدع فيها سيد حجاب وللاسف لم تعرف الاغنيه هذه كثيرا

    يا مصرى يا اللى الغلا عصرك
    والنهب فى عصرك حاصدك قوم للحياه وأسبق عصرك
    ولا حاجه هاترجع مصرك إلا أن تكون شغال ونشيط
    دي رساله لك من يريد التغيير والاصلاح فلنبدأ بنفسنا ولا ننتظر التغيير لانه لم ياتي


    اما اغنيه شاديه فممكن تتضحكي لو عرفتي اني سمعتها من اسبوعين بس وعجبتني جدا وسألت والدي مين اللي بتغني دي؟
    ضحك وقالي شاديه اغنيه رائعه

    ماشفش الرجال السمر الشداد
    فوق كل المحن
    ولاشاف العناد في عيون الولاج
    وتحدي الزمن
    ولا شاف اصرار في عيون البشر
    بتقول احرار( احرار )ولازم ننتصر
    اصله ماعداش علي مصر
    يا حبيبتي يا مصر يا مصر

    بجد والله هزتني جدا وكم هي رائعه
    في النهايه العزيزه صفاء لو قدمت لكي الشكر فهذا اقل بكثير من الذي تستحقيه لانك فعلا تستحقي الكثييييييييير يا بيور

    في حفظ الله

     
  • At 1/12/06 14:44, Blogger saso

    محمد مفيد
    اهلا يا جميل
    انت تأمر طبعا ..الاغنية جميلة انا غالبا مش بحب ياسر عبد الرحمن للدرجة بس هنا كان حلو اوي ومن غير فزع ولا توقيفات مفاجئة اما سيد حجاب فده بحبة علي طول الخط
    وانت عارف علي الحجار ده عندي مهم قد ايه
    :)
    ماكنتش تعرف اغنية شادية خالص؟ دي كانت بتيجي كتير اوي في التليفزيون في اوائل التسعينات
    المهم من غير ميرسي ولا الكلام ده امال احنا عاملين البلوج ده ليه
    :))

     
  • At 3/12/06 17:22, Blogger tamer

    الاغانى الوطنية مفيش احلى منها تحسى معهاانك فى جو بطولى

    تحياتى

     
  • At 3/12/06 19:02, Blogger saso

    تامر
    وبالذات لو كلامها بسيط ولحنها مش بيخض .زي اغاني اكتوبر
    :))
    دي اللي فعلا تحمس وتأثر في اللي بيسمعها

    ميرسي يا جميل علي الزيارة

     
  • At 4/12/06 05:07, Blogger Ø£Ù…يرة القلم

    جميلة اوى المدونة دى

    http://alba7r.al.funpic.de/vb/

     
  • At 6/12/06 14:22, Blogger saso

    اميرة القلم
    علشان انتي جميلة يا اميرة
    :)

     
  • At 17/12/06 05:19, Blogger Ahmoss

    تخيلي أنا قلبت النت علشان أنزل أغنية يا حبيبتي يا مصر ...مالقيتهاش غير هنا
    شكرا جزيلاً وكمان أغنية ماشية السنيورة جميلة و فكرتني بأيام ما كان المصريين لسة بيحبوا بعض

    تحياتي

     
  • At 17/12/06 15:08, Blogger saso

    Ahmoss

    تعرف اوقات بتفضل اغنية تدور في راسي لو ملقيتهاش بازعل بجد
    مبسوطة ان البلوج عجبك..وكل حبة هنحط حاجات جديدة ان شاء الله تعجبك
    mgm ماشية السنيورة مش عارفة
    جابها من فين انا دورت عليها قبل كده ملقيتهاش

    تحياتي

     
  • At 4/1/07 13:21, Blogger إنـســانة

    يامصرى... من اجمل الاغانى اللى سمعتها ومكنتش مصدقة نفسى وانا بسمعها

    واتمنى إن المصرى ياخد باله من اللى اتقال فيها

    سلام عليكم وفكرة المدونة حلوة اوى

     
  • At 4/1/07 14:17, Blogger saso

    Human
    اهلا بيكي يا جميلة .. انا لسة مجددة اللينك بتاع يا مصري علشان كان مش شغال

    ياريت كلامها يتحقق علي قد ماهو حلو علي قد ماهو بيوجع

    نورتي بجد بجد ونشوفك دايما بقي
    :)

     
  • At 25/5/07 23:41, Anonymous Anonymous

    اللينك مش شغال