Tuesday, December 12, 2006,8:43 PM
مــاشـية الـسـنـيـورة
اتأخرت...اه اتأخرت قوي مش كده...معلش بقه رهبة البلوجات ...بس ما علينا انا حبيت ابتدى معاكوا بأغنية ظريفة قوي كنت بحبها جدا وانا صغير وخصوصا الكارتون كليب بتاعها واللي كان ظريف جدا.. أغنية ماشية السنيورة أعتقد الناس كلها فاكرة الكليب وخصوصا لما البنت الكارتون بتبص في الكاميرا والعدسة بتتكسر...كنت دايما بحب الحتة دي جدا مش عارف ليه؟؟؟ الأغنية صوت بس مش متوافر الكليب دلوقتي ..وانا مش مركز في الكلام فممكن ساسو تكتبلكم الكلام بتاع الأغنية أوكي.ان شاء الله هيكون في حاجات تانية ظريفة من النوع ده...مع اني مش بحب فرقة المصريين عموما بس الأغنية دي جميلة قوي وليها حضور

عايز تحمل دوس هنا

عايز تسمع ...هتسمع طول مانت على البلوج...أوكيك
ـــــــــــــــــــــــــــــــــــــــ
تحديث
وآدي الكلمات
مـاشية السنيورة
كـدة كـدة اهـو
عاوزالها صورة
كـده كـده اهـو
بصت في العدسة
كـده كـده اهـو
راحت مكسورة
اهـو كـده اهـو
بيقروا عليا وبيحسدوا فيا
***
اكمن عيوني عسليّـة وبتلمع في الضي شوية
ابقي خلاص .. خلاص بقيت جنيّـة
ويقولوا علي شعري السايح
قال ايه ناعم وكمان فاتح
وانا مهما اسامح واصالح
بيقروا عليا وبيحسدوا فيا
***
يشوفوني بانشر بياضاتي
والهوا طاير بين دراعاتي
يـقـومــوا ايــه
يـفـتـكـروا ايـه
يفتكروا دول جناحاتي
ويقولوا علي وسطي رفيّع
امشي بة يبقي بيتخلّع
واسمعهم وانا كده باتدلع
بيقروا عليا وبيحسدوا فيا
***
اشتري فستان يطلع منظر
واشتري فاكهة تطلع سكر
ابقي كده .. مشعوذة
قال ايه وباعرف اسحر
ويقولوا مالها كده سرحة
وفراندة بيتهم كده برحة
وانا مهما حاولت اكون مرحة
بيقروا عليا .. وبيحسدوا فيا
***
انا شفت منام قمت حكيتة
واتحقق زي انا ما رويتة
بعدوا عني .. كشّوا مني
عشان اللي قريتة
ويقولوا علي خدي وردي
وشفايفي فراولة من البلدي
طب ليه ودة شئ مش بيدي
بيقروا عليا .. وبيحسدوا فيا
***
يا حبيبي تعالي قوام خدني
م الناس اللي بتعاندني
هاتلي بصحيح .. بساط الريح
خلي البلد تشاهدني
ويقولوا دي بنت غنية
وشقية وحلوة وذكية
والعالم كلة حواليا
يقر عليا .. وبيحسد فيا
 
posted by VLaD | Permalink |


15 Comments:


  • At 13/12/06 00:40, Anonymous shabfa2re

    تسلم ايدك ع الاغنية دى
    الاغنية جميلة
    لكن الاجمل انها بتفكرنا بأجمل ذكريات
    ذكريات الطفولة

     
  • At 13/12/06 15:08, Blogger The M

    shabfa2re
    ربنا يخليك فعلا ذكريات ظريفة جدا الوحد كان بيعشها ...عموما الأغنية دي بالذات كان ليه ذكرى خاصة عندي

     
  • At 16/12/06 00:46, Blogger 18goosebumps

    حلوووووووووووووووه اوووى

    انا بجمع اغانى الطفوله

    الينك ده ليكى هديه

    http://www.portsaid-online.com/xmb/viewthread.php?tid=17733

    حتلاقوا فيه كتير من ايام الطفوله

     
  • At 16/12/06 02:50, Blogger The M

    شكرا على اللينك...مع انه طلب تسجيل...عموما أغلب الأغاني بتاعة الأطفال عندي...وميرسي تاني على الرد

     
  • At 18/12/06 17:03, Blogger sabrina

    saso
    البلوج بتاعك جميل
    لي طلب اغنية لهدي حداد أخت فيروز
    اسمهابيني وبينك يا ليل
    دايخة عليها ومش لقيها
    ياريت تقوللي ممكن الاقيها فين؟
    thanks

     
  • At 20/12/06 01:20, Blogger أحمــــــــدبــــــــــلال

    أول مرة أجى هنا بس البوست أيه تحفة شكلى كده هاجى هنا على طول

    تحياتى لساسو

     
  • At 21/12/06 11:10, Blogger saso

    :))
    البوست اتأخر اتاخر يعني
    بس تحفة..لقيتها ازاي دي

    يلا انا في حاجات كتيييييير اوي عاوزاك تجيبهالنا
    ميرسي علي الاغنية دي يا جميل

     
  • At 21/12/06 11:15, Blogger saso

    sabrina
    يااااااااة..طبعا عندي ..عندي اربع اغنيات تقريبا ليها
    احلاهم بيني وبينك
    وبعدها رزق الله ع العربيات اللي بحبها جدا جدا
    ادي اغنية بـيـني وبيـنك وان شاء الله البوست اللي جاي هيبقي ليكي
    هاجيبلك فيه باقي الأغاني اللي عندي
    :)

     
  • At 21/12/06 11:16, Blogger saso

    أحمدبلال
    ميرسي علي التحيات دة البوست بتاع ام جي ام..بس انا بارد كانة بتاعي بقي عادي
    :)

     
  • At 22/12/06 06:01, Blogger camera_girl

    انا دايخه باقالى سنه ونص على اغنية ابريق الشاى

    انا انا انا ابريقالشاى ايدى كده بوزى كده اصوب الشاى وارجع كده

    تستاهلى شوكلااته جلااكسى بالبندق على حسابى لو لقيتيها

     
  • At 22/12/06 16:16, Blogger saso

    camera_girl
    :))
    بس كده انتي تؤمري يا جميلة

    آدي يا ستي ابريق الشاي
    ممكن تخلي الجالاكسي سادة واتنين بقي علشان احنا اتنين في البلوج هنا
    :)

     
  • At 22/12/06 16:50, Blogger The M

    مش اتنين ولا حاجة...من الواضح ان الناس مش واخدة بالها مين إللي كاتب البوست أصلا...عموما أعتقد ان ساسو قادرة تكمل لوحديها في البلوج الجميل ده

     
  • At 22/12/06 17:15, Blogger saso

    the m
    مش هارد عليك
    مش انت اللي كنت مكسل تكتب كل دة؟

     
  • At 23/12/06 05:28, Blogger camera_girl

    ان امش مسدقه انى بمسعها دلوقتى بجد تسلم ايديكى ياساسو يا قمر

    واما بالنسبه للشيكولااته خلاا ص هخليهم اتنين عالشان خاطر عيونك انتى بس اما بأه the m
    مش عارفه ايه الى مدايقو شكلو عاوز ياخد نصيبو ونصيبك ثم هو مظهرش ولا شوفتو الاا لما جت سيرة الشيكولااته ...ان اجايه اهدى النفوس وربنا يقدرنى ديما على فعل الخير

     
  • At 23/12/06 23:00, Blogger saso

    camera_girl
    اي خدمة يا جميلة
    :)
    ميرسي
    بصي هوا ام جي ام بصراحة لة حق اساسا دة البوست بتاعة بس انا مفيش فايدة فيا رغاية وبارد عادي كاني انا اللي كاتباة مثلا
    بس هوا اكيد مش زعلان اوي يعني

    هدي النفوس براحتك ماتقلقيش خالص
    :)