Sunday, May 04, 2008,11:56 AM
Take me back 2 Cairo

nostalgia
الإنكشاري من غير ما يقصد فتح الباب لحكي كتير بس احنا مبنتكلمش هنا بنسيب الميديا تقول بدالنا كل الكلام
نوستاليجا الطفولة زي ما قال هوا وقال محمد ابو زيد مره في تعريف للمدونة
ااااه
طيب يلا نكمل بالحنين للقاهرة

"
Take me back to Cairo
"
الوطن المختصر.. كتير بحس ان خروجي بره القاهرة غربه
من فترة معلقة معايا نغمة من غنوة قديمة لجيل التمانينات هيفتكروها من سمير الاسكندراني لما كانت بتيجي كل يوم جمعة
:)
مغنيها الأصلي"كريم شكري" مصري هاجر لكندا في الستينات وابتدي يغني ووصلت اغانيه لمصر ولسه هناك بس بينتج ويوزع افلام

بعد كريم غناها "سمير الاسكندراني" بعدها جمعت شركة صوت القاهرة في البوم واحد اشهر اغاني الفرانكو لكريم شكري ولبرونو موري في البوم في أواخر السبعينات

برونو كان له مجموعة من اشهر اغاني الأنجلو والفرانكو اراب لو فاكرين فطومة ويا مصطفي و علي بابا دول الثلاثية بتاعة محمد فوزي
مش فاكرة جبت الالبوم بالظبط امتي
بس العودة للقاهرة فضلت ترن ف عقلي سنين، هتفضل هيا احلاهم عندي، وبصوت كريم مش سمير الاسكندراني
حاجة تاني مهمة عن الغنوة
توزيعها رائع ، الأغنية كانت الوحيدة في الالبوم اللي من توزيع " أندريا رايدر" و اندريا موزع مهم جدا تقريبا كل أغاني محمد عبد الوهاب كانت بتوزيعه
بلعب علي يوتيوب لقيت الفيدو ده، مهواش الفيديو الأصلي ده شكله جديد بس معمول كويس وفي لقطات من الاغنية الاصلية

قبل الفيديو ده لينك تاني للغنوة بصوت سمير الاسكندراني واللينك اللي فوق بصوت كريم شكري وده نفس اللي بيشتغل علي المدونة دلوقت “Take me back to Cairo”


 
posted by saso | Permalink |


14 Comments:


  • At 5/5/08 14:06, Blogger Mohamed ElGohary

    بحب قوي الأغنية ده

     
  • At 5/5/08 16:06, Blogger saso

    وانا اوي جدا جدا
    :)

    ازيك يا محمد

     
  • At 5/5/08 19:43, Blogger Mohamed ElGohary

    أنا الحمد لله تمام، أخبارك إيه كده؟ :)

     
  • At 5/5/08 20:08, Blogger saso

    انا الحمد لله كله حلو
    وفاين جدا

     
  • At 8/5/08 16:28, Blogger بحب السيما

    This comment has been removed by the author.

     
  • At 8/5/08 16:33, Blogger بحب السيما

    بمناسبة النوستالجيا بقى
    ماتعملى بوست لاعلانات زمان اللى علقت مع الناس او معاكى شخصياً

     
  • At 8/5/08 17:10, Blogger saso

    بحب السيما

    حصل يافندم
    مكانتش الفكرة كده بالظبط
    بس حصلت معايا مرتين

    مرة هـنــا وفيه لينكات اعلانات بحبها

    وهـنــابوست تاني يدور حوالين نفس الفكرة

     
  • At 11/5/08 01:10, Blogger الأنكشاري

    أنا أول مرة أسمع الأغنية و عجبتني جداً مع إني مش من أشد معجبين سمير الاسكندراني

    بوصي يا ساسو طول ما في نوستالجيا أنا معاكي لأني بحب كل ذكرياتي تقريباً و بعشق إن حد يفكرني بيها من غير ما كون عامل حسابي,,و بحاو ل أحب دلوقتي على قد ما أقدر لأن بعد ما تمر السنين,,هتتحول الحاجات اللي بحبها لنوستالجيات تهز مشاعري و تستدر دموعي من محجري عيناي

    معرفشي في بين بحب السيما و ما بين الأعلانات أيه بس واضح إنو متأثر بيها جداً,,, و مين متأثرش,,لومبو مصاصة و لبان السحري و الحاجات الفضايح دي,,

     
  • At 12/5/08 14:28, Blogger saso

    الأنكشاري

    بس من كريم أحلي
    :)
    سمير الاسكندراني عنيف.. بيتخانق مع الغنوة كل الكلام بيطلع منه اغاني وطني معرفش ليه

    بص كده علي الهيدر بتاع البلوج
    :)
    هتلقي الجملة دي "حـبـه حـاجـات بـنـحـبـهـا هـنـحـطـهـا هـنـا.. للي يحب يسمعها لو تتسمع يقراها لو تتقري.. شوية حاجات معانا من زمان بنروح شوية ونرجعلها .. وحبه حاجات عاوزين نحبها علشان نرجعلها بعد كده" نوستاليجا مطلقة

    حاجات من زمان معلقة معانا وحاجات بنحاول نتمسك بيها علشان نلقي حاجة نحنلها بعد عشرين سنة

    اصلا المدونة هنا مش الاساسية تقريبا اتعملت علشان الحنين لحاجات عيالي ملهاش مكان وسط الجد

    كلنا مش بحب السيما وبس
    عملت فرح لما لقيت اعلانات شويبس اللي هيا اصلا قبل مانتولد في السبعينات
    :)
    اوقات بتحس ان الاعلانات بتقولك الدنيا كانت زمان عاملة ازاي، اعلانات امريكانا شو والجبالي لما كانوا موضة
    :)
    فاكر الايام دي
    محمود ايه ده يا محمود ولا لا لو


    نورت بقي وكده

     
  • At 13/5/08 21:44, Blogger شيمـــــاء

    تصدقى لسه سمعاها من كام يوم
    وكنت هابعتهالك
    :)
    جميلة جدا

     
  • At 16/5/08 23:51, Blogger saso

    شيماء

    أصدق جدا جدا

    وقت لما جبتيلنا هديتك الجميلة ..كنا بندور عليها علشان نحطها
    so
    اصدق جدا يا جميلتي.. والمرة دي سبقت انا

    مقلتيش ..نحط ايه المرة اللي جايه؟

     
  • At 24/5/08 12:23, Blogger Sampateek

    ده انا كنت فاكراها اغنية سمير الاسكندراني اصلا
    بس جت في وقتها
    مصر وحشتني فعلا

    تحياتي

     
  • At 25/5/08 04:04, Blogger CrY2DaY

    دى اول زيارة لمدونتك ولكنها لن تكون الاخيرة



    تقبلى تحياتى

     
  • At 4/6/08 22:18, Blogger عين ضيقة

    ازيك كتير؟ أد ماانت وحشانى كده

    أنا أول مرة اسمع الاغنية دى
    هى كويسة بس انا مش متفاعلة معاهل أوى
    أنا أصلى عمرى ماسفرت لمكان بعيد عن بيتى وكده سفر سفر يعنى

    بس بينى وبينك
    بعد مع خلصت الجامعة انا بقول take me back 2 الزقازيق
    أصحابى هيوحشونى أوى
    هيوحشنى جو الجامعة واللمة والضحكة والدمعة
    مش متخيلة ان الحاجات دى خلاص دخلت عداد الذكريات

    بس عموما جايز اللى جاى يكون أحلى

    سلام ياقمر