كان من أحلي تهييسات التسعينات ظهور حلقات الربع ساعة اللي يا إما برامج مقالب وكاميرات خفية أو حلقات كوميدية أقرب للسيتكوم بس من غير جمهور زي "تليفزيون في بيتي "و"انت عامل ايه" بس كان أطرفهم حلقات الحب هو بين أحمد رجب ومصطفي حسين
بنفس صورتها في الجورنال تقريبا ريشة مصطفي حسين بتجري علي خلفية موسيقي وتعليق لاحمد رجب وينزل التيتر
الأغنية في التيتر كانت بتشدني أوي وقتها، كانت موضه البنات اللي صوتهم رفيع شويتين علي ألحان راقصة مشابهه لمزيكا حميد منتشرة جدا
ومنهم كانت أغاني "ماجدة" اللي تقريبا محدش أخد باله منها غير في الغنوة دي عشان حلقات الكاريكاتير
At 22/8/08 15:33, Unknown
At 23/8/08 21:43, saso
At 23/8/08 22:45, saso
Leonardo
بما اني تربية الأهرام و الاخبار والنصر والمجاهد
كان اللي بيهون الجرايد دي كاريكاتير بيكار يوم السبت ومصطفي حسين باقي الايام وخالد الصفتي المواطن المطحون ايام ما كان مجند
محدش جابلي الكتاب بس كنت تقريبا حفظت كل السكربتات بتاعتهم
:)
دايما بترجع تشتري الكتب اللي قريتها وانت صغير واختفت من البيت، انا اشتريت مجلة فلاش العدد الاول-سر عقدة هرقل- يمكن 3 مرات
عشان كل مرة تختفي وتوحشني ادور عليها
مع اني مفهمتش علاقة اي حادث ف البلد بالجماعات الاسلامية، بس الحمد لله انهم سابوهم ف حالهم
عن ماجدة فمافاتكش كتير
:)
الألبوم واحد من اللي اتعملوا ايام هوجة فاروق الشرنوبي ورياض الهمشري
ليها ألبوم واحد تقريبا كله توزيع باهر الحريري وغنوة من تلحينه وهوا اللي مكتشفها
باهر بدأ وسيقي تصويرية بفيلم ابتسامة في نهر الدموع- مصطفي فهمي وعفاف شعيب وكانت موسيقي حلوة وفجأة ابتدي المنحني ينزل وتخصص أفلام مقاولات عمل موسيقي تصويرية بايخة اوي لفيلم الشاويش حسن اواخر التمانينات-بتاع يونس شلبي ده- وفيلم رجال بلا ثمن 93 -بتاع سعيد صالح- واختفي بتاع عشر سنين كده وطلع 2007 مع عنتر هلال اللي اختفي برضه بفريق اسمه بنات بحري
والحمد لله الاتنين والفريق اختفوا
نرجع لماجدة تقريبا معملتش غير الألبوم ده وكانت "الحب هو "الاغنية الهيد ف الالبوم تحب ارفعلك الألبوم؟
At 23/8/08 23:10, saso
بتعجبنى جدا ثقافتك الموسيقيه يا ساسو :)
رغم إن أغلب المعلومات دى مش غريبة عليا بحكم السن لكن أنا فى الغالب ماكنتش باهتم غير باللى باحب أسمعهم ويمكن كمان لأن ماكانش فيه نت ولاكمبيوتر أياميها !
أما عن الألبوم فألف شكر ياستى لاترفعى ولاحاجه ..
وعموما لو فيه أغانى فى الألبوم ده حلوه أنا متأكد إنك هتبقى ترفعيها فى أى مناسبة جاية
و تيك تيك توك بوم بوم ^_^
At 26/8/08 00:12, saso
كان أول كتاب كاريكاتير شفته فى حياتى وأنا صغير فى ابتدائى
الحب هو
مش فاكر مين اللى كان جايبه
لكن لما كبرت رجعت اشتريت نفس الكتاب تانى
وبعدين رجعت اشتريت كمان نسخه فى معرض الكتاب تالت :)
ده غير إنى مبسوط شويه علشان الناس اللى مسكوهم عندنا امبارح هيسيبوهم النهارده أو بكره بالكتير -كان موضوع روتينى مش أكتر
ولو إنهم لسه محتفظين بالتوقيت علشان يحافظوا على لقب زوار الفجر
أما عن ماجده ف .. احم
أول مره أسمع عنها طبعا
ومستغرب أساسا إنتى عرفتيها إزاى ؟
كان ليها أغانى تانيه أو نزلت ألبومات أو حاجه ؟