Wednesday, October 01, 2008,1:59 AM
احنا صحاب العيد

كل سنة واحنا طيبين
لقيت الفيديو ده لبنوتة كنت بموت فيها- يمكن عشان قصة شعرها- اسمها مي عبد النبي
مي كانت في اجمل حالاتها ف فوازير عبد المنعم مدبولي "جدو عبده " وفي اقلها ف مسرحية استاذ مزيكا
المهم انها كان شكلها طفلة جدا فكنا بنحبها جدا
الفترة دي كانت حمي المناسبات عالية جدا، كل مناسبة عشرين غنوة تطلع- ياااه علي 6 اكتوبر ايامها-بعد فترة اتبقت اهلا بالعيد وباقي الحاجات ضاعت ف الزحمة

بيشاركها الغنا طلعت عطية" مطرب الأطفال" زي ماكان بيحب يسمي نفسه، كانه مش موجود بالظبط اتفرجوا علي مي لوحدها
:)

تعالوا نشوف الفيديو



-
 
posted by saso | Permalink |


6 Comments:


  • At 5/10/08 17:51, Blogger Leonardo

    عارفه فكرتينى بمين ؟
    ب يسرية !!
    فاكره المسلسل بتاع زمان لما كان هاشم بيحب يسرية وهى كانت شريرة وورطته فى قضية إيه مش فاكر وهو بيشرب منها المقلب ورا المقلب وبرضه بيحبها فى حين أختها كانت بتحبه بس هو مش عايز غير يسرية !!!
    كان أحمد عبدالوارث عامل دور هاشم ومش فاكر اسم الممثلة اللى عملت يسرية دى ..
    المهم إنه حتى يسرية دى عملت أغنية زمان برضه للعيد وللا للأطفال بس مش فاكر ؟؟
    وكانت أغنية لذيذة برضه والله :)
    وصابرين كانت بتغنى
    وممثلة تانية عملت أغنية بتاع تملى الصبح بدرى أخرج للضى وأجرى أجمل هوا يدخل صدرى ولسه فيه ناس نايمين
    سوا سوا !!!

    تقريبا ده كان السبب إن كان فيه أغانى كتير للمناسبات إن الناس دى كلها كانت بتغنى :)

     
  • At 22/10/08 21:51, Blogger saso

    احم احم
    مساء الخير اولا

    السيدة الفاضلة عزة كمال -عنبر كسور نمرة واحد- دي كانت ممثلة جميلة جدا بتمثل مسلسل في شهر وتتجبس ست شهور وهكذا
    اخبارها ف المجلات كانت كلها طبية

    المسلسل اسمة عاد النهار بتاع يسرية عزة كمال وحنان سليمان اختها الطيبة ومصطفي فهمي الوغد الشرير

    وكان فيها جملتها الخالدة
    والله زمان يا ممدوح\ن مسير الحي يتلاقي

    الله عليا وانا عاملة ارشيف مسلسلات
    عزة عملت مسرحية واوبريت للاطفال وحاجة هنا

    اما سوا سوا فكانت للجميلة جدا جدا نسرين اللي اتجوزت محسن محيي الدين وقعدوا هما الاتنين ف البيت

    ياريت الايام دي دامت مش احسن من اغاني الشعبي اللي بيغنوها دلوقت من اول حب ايه مرورا بالجيل ف شعري لحد عاوزاني اخس اخس
    واخيرا اتش دبور

     
  • At 18/11/08 14:07, Blogger Unknown

    el site da .. gamed ... gedan we ana .. metab3o men kam sana .. we kol . mashoof oghnya .. gededa ... a7melha 3ala tool .. we khodo el cilp da .-- fatota we do re me
    http://www.youtube.com/watch?v=M-1FaQ-Y3Lo

     
  • At 6/12/08 23:29, Blogger saso

    susu
    ميرسي جدا جدا
    علي كلامك وعلي الكليب
    تسمح يبقي البوست اللي جاي تيتر فطوطة اللي بعته؟
    :)
    كل سنة وانت طيب وميرسي جدا علي اللينك

     
  • At 14/12/08 03:04, Blogger Muhammad

    فيه اغنية لعفاف راضي اولها: ياللا بينا ياللا ياللا ياللا ياللا بينا، دي الشموسة طالّة طالّة و بتنده علينا

    لو مفيهاش غلاسة يعني يا ريت تدعبسي عليها و تكتبي عنها كلمتين حلوين كده. و لو فيها غلاسة، عادي .. برده تجيبيها

    :)

     
  • At 14/12/08 12:35, Blogger saso

    Abu Yazan
    حمد لله علي السلامة سيادتك
    امرك الغنوة موجودة
    :P
    بتنقي اغاني سهلة انت

    هحطهالك حالا يا محمد جيش ايه اللي بيسمعوا فيه الشموسة طله بتنده علينا ده