Friday, November 17, 2006,3:15 PM
الجـواب الـثـانـي
كـنـا ناويين نكتب ونحط اي حاجة تاني لكن ادي الـجـواب الـثـانـي مـن جوابــات حراجـي الــقـط ونبقي نغير الموود المرة اللي جاية
اسوان زوجي الغالي.. الاسطي حراجي القط العامل في السد العالي
الجـواب الـثـانـي>>
زوجي حراجي
فوصلنا خطابك.. شمينا فيه ريحة الاحباب
ربـنـا مـايـورّي حـد غـيـاب
طـب مش اول مرة البسطاوي يخطي عتبة الدار
عمـرنا يـا حراجي ما جـالـنـا جـواب
الـنبـي ساعة مرزوق البِـسطاوي ما نـده كـده
زي مـاكـون دقـت في حـشـايا الـنــار
زي مـاكون العمر بـيـصـدُق بـعد ماكان كداب
اتأخرت مسافة كـبــيـرة ، كـبـيـرة عليّ
عارف فــاطـنـة يا حراجي لا ليها عايل ولا خيّ
لـيــه تـتـأخـر كــده يــا حـراجـي
طـب والـنبـي و كــأن ورقـتـك دي
اول قنديل يـتـهـز فـي جـوف الـدار
أول نــدعــة ضــوّ
الـدار مـن غـيـرك يـابــو عـزيـزة هـــوّ
وعـزيـزة وعـيـد من غيرك يا حراجي ، زي اليتما في العيد
الـواد علي صـغـرة حاسـس بالـغـربـة وبـالـبُُعــد
ولا عـاد حتي بيطـلـع يـلـعـب في الجماره مع الـوِلـد
أطـلـع وأخـش اطـلـع وأخـش الـقــاة غـيـمـان
زي اللـي مـحـروقـلته دكـان
ويـقـوللي فـيـن يـا امـا اسـوان
وابـا سـافـر لـيــه يا امـا ، مـايـمـكـن زعـلان
شـــهــريــن يـا بــخـــيـل
سـتـيـن شـمـس وسـتـيـن لـيـل
الـنـبـي يــا حراجي ماطـول قـلـبـك
لاقـطـع بسـنـاني الـحـتـه الـقـاسـيـة فـيـه
كــل الـجـبلاية تسـلّـم فـردا فـرد
م الـحـاج طِـلـب حـامـد.. لـعـّـيـلـة بـيـت عـلـي سـعـد
وانـشـالله يــا حراجي مـايـوريـنـي فـيـك يــوم
وانـشـالله تـكـون اتـعـلـمـت تـرد قـوام
ومــادمـت احـنـــا رسـيـنــا ع الـعـنــوان
والله مــاحــنـبـطـل بـعــتـــان
مــــفــــهــــوم
اســوان .. زوجـي الـغـالـي
الاسـطـي حراجي الـقـط الـعـامـل فـي الـسـد الـعـالـي
زوجـــتـــك
فـاطـنـة احـمـد عـبـد الـغـفـار.. جـبـلايـة الـفـار
 
posted by saso | Permalink |


6 Comments:


  • At 18/11/06 03:39, Blogger BEL3ARABY

    على فكره انا ليا ذكريات قديمة مع رسايل حرجى القط ومراته فاطمه والبنت عزيزة والواد عيد وانتى فكرتينى بيها.متشكر جدا.مدونه رائعه.مع تحياتى.

     
  • At 18/11/06 14:55, Blogger tamer

    اية الجمال دة عزيزتى

    بصراحة بوست رائع

    والف مبرررررروك على تغير الاستطيل

    تحياتى

     
  • At 19/11/06 12:06, Blogger saso

    BEL3ARABY
    ميرسي يا جميل..يارب تكون حاجات حلوة فكرناك بيها

    وانا كمان عندي حاجات كتير مع الابنودي ودنقل اكتر اتنين

     
  • At 19/11/06 12:08, Blogger saso

    tamer
    ميرسي يا تامر
    :))
    ربنا يخليك.. شفت ده احلي من الرمادي صح
    بس البلوج الاولاني بتاعي هيفضل لونة بينك زي ما هوا
    تحياتي
    :)

     
  • At 19/11/06 21:17, Blogger مـحـمـد مـفـيـد

    لما دخلت عندك وسمعت الجواب بصوت عمنا الابنودي
    محمد اللي معايا في الشغل قالي ايه يا عم اسيوط وبني سويف خلوك تبعت الجوابات دي؟
    طبعا انتي عارفه
    فكره جميله اوي
    احييكي عليها

     
  • At 19/11/06 21:23, Blogger saso

    مـحـمـد مـفـيـد
    :))
    طيب اسيوط دي سمعت عنها بني سويف ليه كمان؟
    ميرسي يا جميل علي التشجيع ده